Accueil Évènement Ccurent d aman tzeɣwa n ugezdu n tutlayt d yidles amaziɣ

Tasdawit Mulud Mɛemmri

Ccurent d aman tzeɣwa n ugezdu n tutlayt d yidles amaziɣ

92

D yir addad i ɣer tewweḍ ass-a tesdawit Mulud Mɛemmri n Tizi-Uzzu, ladɣa deg wayen yeɛnan awenneɛ d ugerrez n yinidan n tesdawit. Dɣa, seld iḥemmalen n ugeffur d udfel i d-yewwten s ṭaqqa deg leḍwar iɛeddan, ɣef tmurt n Leqbayel, ccurent d aman tzeɣwa n tsekka n ugezdu n tutlayt d yidles amaziɣ.

Aman-agi n ugeffur, neggin-d seg sqef n tzeɣwa. Ɣef wanect-a, yerkeb lɣiḍ meqqren inelmaden n yiswiren yemgaraden i ilemden deg tsekka taneggarut n ugezdu. Sḥessfen aṭas s yir waddadliḥala-agi u wwten-d s leqseḥ deg ustehzi n yimḍebbren teɛna tamsalt, ladɣa imḍebber amezwaru n tesdawit. Ɣas ma ulac ula aseggas segmi i d-ttunefk yiwet n tedrimt unneɛ d ugerrez n ugezdu, maca ala kra n temsal kan i yettuɛawden deg tzeɣwa.

Taluft n usethzi tennerna s waṭas seg yimḍebbren, ladɣa seld aɣbel n lexsaṣ n tedrimt deg tmurt n Lezzayer, anda i sneqqsen amur ameqqren n tedrimt yettunefken i unneɛ d ugerrez n yinidan n yisersiyen yemgaraden n uwanek.

Ali Zalouk