Accueil Évènement Gar uṣeḥḥi d bu lekdeb.

Cwiṭ seg tmucuha n leqbayel : Gar uṣeḥḥi d bu lekdeb.

57
- PUBLICITÉ -

Macahu tellem cahu, Ṛebbi ad tt-iselhu, ad tt-iɣzif anect n usaru. Qqaren, zzman, yella yiwen n urgaz d aṣeḥḥi, yessawal ala tidet, maca arfiq-is mgal-ines, awal-is ala lekdeb. Winna akken yeskiddiben, yufa-as aqerru, mi i d-ixaḍ yiwen ukeddib, ad t-id-yini i widen isellen : “Ma ur tuminem ara ruḥet steqsit flan”. Meḥsub arfiq-is, acku ttamnent akk lɣaci. Yiwet n tikkelt yenna-asen: “Ay ayetma, walaɣ leεca yiwen uqejjun la yettafeg deg yigenni”. Nnan-as lɣaci: “Aya berka, ur tmesxir ara fell-aɣ!”.Ma ur tuminem ara ruḥet, steqsit arfiq-iw yak ur yeskidib ara.

- PUBLICITÉ -

Ad t-nesteqsi, maca tikkelt-agi, lemmer ad aɣ-d-yini d tidet, ad t-nernu ɣur-k, acku aqejjun urǧin yufig. Ruḥen ɣer urgaz aṣeḥḥi, nnan-as: “S tidet a leflani, twalam leεca aqejjun yettafeg kečč d urfiq-agi inek ?”. Aṣeḥḥi ad d-yini d tidet iwala d awezɣi, ad d-yini d lekdeb, arfiq-is ad ibehdel. Yenna-asen: “Ala ay atmaten, leεca tεedda-d tmedda, teddem yiwen n uqejjun d aberhuc, tufeg yis-s deg yigenni, arfiq-iw mi yesla i useglef n uqejjun-nni, iɣil d netta i yettafgen”. Uɣalen lɣaci, sεeddan awal umnen. Akken kan ruḥen mfaraqen, yessawel-as uṣeḥḥi i urfiq-is akeddab, yenna-as: “Muqel ay aḥbib, asmi teskiddibeḍ di lqaεa welleh ar ad ak-setreɣ, tura mi tewwḍeḍ s igenni barakat, tekfa tussra ala tikkelt-agi”.

Yahia Yanes

- PUBLICITÉ -