Accueil Évènement Mimuna tessen Rebbi

Cwiṭ seg tmucuha n leqbayel : Mimuna tessen Rebbi

225
- PUBLICITÉ -

Aḥric wis 2 , taggara

- PUBLICITÉ -

Yenṭeq γer yimeddukkal-is: “Ay atmaten, aql-i ur lliγ ara bxir, ur iban acu i nexdem diri-t, neγ anwa i neḍlem.Aaql-aγ nettxellis ddnub-is”. Nnan-as: “Ala ay ameqqran, siwa lxiṛ i nexdem, yerna, ur tesεiḍ win i d-nemlal deg ubrid-nneγ siwa tamγart-nni γur nensa.

-Awah, ad nuγal alamma d γur-s, iban tetbeε-aneγ-d s wul-is.

Uγalen-d armi d tamγart-nni, mi kecmen γur-s, yenṭeq umeqqran-nni: “A yemma Mimuna, segmi neffeγ seg uxxam-im, ur as-nufi ixef-is, nuggad ad yili yella deg wacu i akem-neḍlem?” Tenna-as: “Anεam a mmi yella”.

-Deg wacu?

-Lliγ am rrbeḥ n Ṛebbi, ttẓallaγ ḥemdeγ Ṛebbi, akken i d iyi-teslemdem amek ara ttẓallaγ, ixereb-iyi kullec, qqimeγ bγir taẓallit.

-I lukan ad akem-id-smektiγ taẓallit-im, ad aγ-tsemmḥeḍ?

-Ad awen-semmḥeγ.

-Telliḍ ma tettẓallaḍ teqqarreḍ-as: « Mimuna tessen Ṛebbi, Ṛebbi yessen Mimuna. Tura a yemma semmeḥ-aγ u tẓalleḍ akken tessneḍ, ad iqbel Ṛebbi fell-am, iqbel fell-aγ, kullec d nniya.

Yahia Yanes

- PUBLICITÉ -