Accueil Évènement Ula d tiddukkla Imnar n Tdukli tella di ttiɛad

AIT AÏSSA MIMOUN - Asfugel n wass amaḍlan n useklu : Ula d tiddukkla Imnar n Tdukli tella di ttiɛad

67
- PUBLICITÉ -

Tiddukka tadelsant Imnar n Tdukli n tɣiwant n Ait Aissa Mimoun , tella deg ttiɛad i lmend n usfugel n wass amaḍlan n useklu i d-yettilin yal aseggas di 21 meɣres. Yella-d wahil ɣef teɣzi n tsebḥit n wass-nni n lǧemɛa 22 meɣres 2019 deg uɣerbaz amenzu Hacmi d warraw-is n taddart n Tahanouts, syin ikemmel deg uxxam n tddukka-agi. Ɣef 09h00 n ssbeḥ, tella-d temlilit akked yigerdan yeqqaren ɣer tddukkla-agi deg uɣerbaz-agi amenzu, anida i d-mmeslayen yiɛeggalen n tddukkla-agi ɣef sin n yisental-agi igejdanen; amagger n tefsut d wass amaḍlan n useklu. Am wakken daɣen i tettunefk tegnit i tririt ɣef yistegsiyen n yigerdan-agi, yebɣan ad ẓren ugar ɣef useḥbiber ɣef twennaḍt. Llan diɣ wid i d-yemmeslayen ɣef yibaɣuren n yisekla d useḥbiber ɣef twennaḍt ideg nettidir. Mi sulin leqdic-agi, ulin i merra ɣer uxxam n tddukkla-agi Imnar n Tdukli, i yellan deg tneḍfart n tɣiwant n Ait Aissa Mimoun n Azabouk. Dinna i ẓẓan snat n ṭṭjur s yisem n tddukkla-agi, iwumi nessaram anegmu d uǧuǧǧeg am sin-agi n yisekla i ẓẓan. Sḥasfen aṭas yiɛeggalen n tddukkla-agi ɣef yir addad n tegnawt, imi niqal sumren-d amagger n tefsut s tuffɣa s iḥerqan d tẓegwa, maca lḥal ur d asen-yettunefk ara.

- PUBLICITÉ -

Gh. A.

- PUBLICITÉ -