Ass-nni n lǧemɛa yezrin 19 yebrir 2019, i d-tella temlilit tamezwarut n umazday n tidmi d tesleḍt tasertant d tdamsant akked tmettit (CRAPES) n tɣiwant n Ait Aissa Mimoun, i d-ilulen ussan-agi kan ineggura. Agraw-agi, iswi-ines ɣef wakken i t-id-yenna yiwen gar wid i t-id-yesslulen d axlaq n wadeg i umeslay d umbaddal n tiktiwin gar yimdanen. D annar daɣen i usɣerbel d tesleḍt n wayen yettidir umdan, ama si tama n tsertit ama si tama n tdamsa neɣ si tama n tmetti. Anejmuɛ-agi amezwaru, yella-d lǧemɛa-agi deffir neɣ deg Tiplakine, yezzi deg-s umeslay s waṭas ɣef yisental-agi igejdanen. Ad ilin yiswan n tlallit n umazday-agi n yiɣermanen d wahil-is deg wussan i d-iteddun. Yella-d diɣ umeslay ɣef wazal n teywalt daxel n tmetti, imi ɣef leḥsab n kra txuṣ mliḥ tineggura-a.
Ugar n 30 n yimdanen, gar yisdawanen d yilmeẓyen akked yimussnawen i iḥedren timlilit-agi n tazwara i d-yellan deg unnar. Imi, niqal amazday-agi yebda-d s yizeḍwa imettiyen (facebook), tuɣal temmeɣ tikti armi i d-ters s annar. Ma ɣef yiswi agejdan n umazday-agi, yenna-d yiwen gar yimekkiyen n temlilit-a, d axlaq n wadeg n uskasi d tagnit daɣen i ubeddel n tektiwin; yal wa ad d-yefk tidmi-ines ɣef kra n temsalt ara d-yersen i usqerdec.
A. Gh.