Dda Qasi yesɛa kṛa n 65 isegassen di leɛmer-is. Kul ass, i tezzi ɣef temdinin yellan deg tama n Ṣumam am Tazmalt, Aqbu,…akken ad yizenz tiḥcicin. Iṛeffed tacekkart teččur d timequnin n teḥcicin akken aten-t yizenz. Tikli-ines as-tinniḍ d tin n yilemẓi, mazal-it yeǧhed ɣas akken muqqeṛ di laɛmeṛ. Akka i teddu deg beṛdan timuqinin n ẓaɛṭaṛ, taselɣa, cciḥ d naɛnaɛ geṛ ifassen-is. Ad d-iniḍ « taḥanutt » i teddun! Ikeččem ɣeṛ leqhawi, issečča, tiḥuna akken ad yizenz tiḥcicin. D’da Qasi mači d-amejjay ixedmen s teḥcicin, maca d-akumiṛṣi n teḥcicin kan. Tigi yeznuzu-ten-t s 250 idinaṛen i tmuqint, ama d cciḥ, d ẓeɛear, d naɛnaɛ neɣ d taselɣa. Akka, yiwen wass n mugeṛ-it-id deg Tazmalt, D’da Qasi, am wussan nniḍen n ṛebbi, yeznuzu tiḥcicin-ines. Yuɣ lḥal medden uṛ sɛin aṛa akud akken ad ṛuḥen ɣeṛ laxla akken ad ksen tiḥcicin, ɣef ayagi, Dda Qasi yewwi-asen-d « tasarut » (apporté la solution) yeznuzu-y-asen laḥwal-agi. »Nekki, dayagi i xedm-ɣ seg ṣbaḥ ɣeṛ tmeddit. Akka i d-ssasay-ɣ aɣṛum i twacult-iw. Uṛ sɛiɣ lantṛit, uṛ yelli kṛa n tedṛimt id d-tawi-ɣ ḥala s teḥcicin-agi i znuzu-ɣ i meddn deg yibeṛdan! » akka iɣ d-yenna wemɣaṛ-agi i ṣebṛen i myal lmaḥna. Aṭaṣ n yimdanen i tṛaǧu-n D’da Qasi akken asen-id yawi tiḥcicin. Llan widak i ḥemlen ad swen ẓaɛṭaṛ, acku aṭaṣ n lfaydat i yesɛa i tezmaṛt n wemdan, yagi aṭanen n yidmaṛe, lakked waḍu. Llan wiyaḍ ḥemlen ciṭuḥ n teṛẓeg, D’da Qasi yettawi-y-asen-d cciḥ. Wagi ṛẓig dayen kan, tessen-t wid iwumi yettali sukkeṛ deg yidamen-nsen. Wid yekkat lqu daɣen ilaq-asen ciṭuḥ n cciḥ. Ma yella d naɛnaɛ, wagi yettaṛṛa-d taṛwiḥt, imi xelḍen-t medden deg ttay akken ad yelhu. « Akka, ad zenz-ɣ tiḥcicin i medden alaṛma medlen-t wallen. » iɣ-d yenna D’da Qasi yeččuṛen d timucuha. D’da Qasi d-aɛeṭṭaṛ bu teḥcicin, am netta ulac sin !
Syfax. Y