Qqaren-as zik-nni di lemtel ‘’ansi i tekkiḍ i Uqbu d asawen’’, tura tbeddel tuɣal ansi tekkiḍ i Uqbu d rṣaḍ. Win ara d-yerzun ɣer temdint n Uqbu d tudrin i as-d-yezzin, ad yewhem deg remmuɛen n rṣad yersen di yal tiɣmert , deg yiberdan , di ssuq neɣ rrif n yiɣerbazen. Tettaweḍ rriḥa ula ɣer yimuḍan yeẓẓlen ɣef srayer n sbiṭar. Yettɣima ukamyun n rṣad n ṭɣiwant alamma d 25 n wussan I wakken ad d-yerzu ɣer kra n tuddar d tzenqatin i wakken ad yejmaɛ iduman.
Deg wussan-nni n Lɛid, d imezdaɣ i ixedmen tiwizi: wwin-d ikamyunen I wakken ad sufɣen rṣaḍ n rrif n yixxamen-nsen, wamma tili ɛeggden gar yiḍuman . ” ilaq ad tissineḍ kra n uɛeggal n tɣiwant neɣ ur teffɣen ara yiḍuman-ik “I d-yenna yiwen umɣar Dda boubkeur At Belqasem. Ma nmuqel akka ɣer ttawilat tesɛa tɣiwant n Uqbu, ad tt-naf gar tɣiwanin timerkantiyin n tmurt n lezzayer, tezmer ad tefru ugur n usizdeg n twennaṭ s shal : “ d imḍebbren n tɣiwant akked yiɛeggalen i ɛemren aseqqamu aɣerfan n tɣiwant i ceɣlen d tsertit d lfayada-nsen kan’’les affaires’’, ḥemlen kan ad azlen ɣer lbusta di taggara n waggur, tettun ɣef wacu I d-bedden, almi teɛfen akka tegnit , wamma mačči d tadrimt i ulac ” I d –yenna Brahim At lḥusin d amezdaɣ n taddart n Riki iteddun ɣer tɣiwant n Uqbu. Ad teqqim tuɣalin ɣer twizi gar yimezdaɣ am wakken xedment tjemuɛa n tudrin leqbayel zik-nni, d allal i Wat Uqbu ma bɣan ad idiren di tezdeg, ur d-yegri littkal ɣef yimḍebren n tɣiwant d yiɛeggalen i tt-iɛemren.
Brahim benhamouche