Isufar
2 Kg n tkerciwin ( dewwara)
2 n tyiggar n zrudiya
2 n tyiggar n texsayt ( tifeqlujin timectaḥ)
1 n tebṣelt
1 n tɣenjawt n tumatic yerkin
4 n tfednan n ticcert
Lekrafez
Lmaɛdnus
Lmelḥ ( tisent )
Lqerfa , ifelfel aberkan ….
Takemmict n yiḥemmuẓen
Aheggi
Sired dewwara ( tikerciwin ) akken issefk ( s waman izeqqalen ), err-itent , ad uddument , gzem-itent d iftaten imectaḥ, ad uɣalent ɣef tmes ad awlent. Seqcer tidal ( legumes ) , sired–itent , gzem-iten , err-itent ɣer tuggi ( taccuyt) ad qlunt . S yin ɣer-s , Ales , suddem tikerciwin –nni yewwlen , semlil-itent nutenti d tidal , rnu ɣer-sent tuga ( lekrafez, lemɛadnus ittwagezmen . ), zuzzer-asent ifelfel aberkan , lqerfa , akked yiwet n tɣenjawt n tumatic yerkin . Rnu–asent 2 n litrat n waman yewwlen ( iḥman) , terred-asent ad wwent . S tezmert-nnwen(t) .
S ɣur Daya