Aḥric wis 10
Yerfed-itt γef teεrurt n uεewdiw-is, yesγam-itt sdat-s, yewwi-tt ad tt-yer d tameṭṭut-is. Akken wwḍen γer sadt useklu-nni n tjujtin, ccnan-asen-d daγen yetbiren-nni tizlitt-agi:
“ Tarkast teččur d idammen, tamnayt-agi ur tettneḥcam.
Ihi tislit iwulmen, d tin i n-teğğam deg uxxam“.
Yessaked urgaz s idaṛrren n tmeṭṭut, iwala iqacirren icebḥanen i d-telsa, uγalen akk d izeggaγen seg yidammen.Yebren-as aqeṛrru i uεewdiw, yerra-tt s axxam, yanna-asen: ‘’Ula d tagi mačči d nettat i d tislit iwulmen, yella kra n teqcict-nniḍen i tesεam deg uxxam?’’. Baba-s n Mm Yiγiγden: ‘’Ala, ḥala yiwet yelli-s n tmeṭṭut-iw tamezwarut yemmuten. D tamecṭuḥt, tecmet, terka yerna tečcuṛ akk d iγiγden, d awezγi ad tili d tislit iwulmen’’.
Mmi-s ugellid: ‘’Ssufγet-tt-id kan γer beṛṛa ad tt-waliγ!’’
Yambaba-s: ‘’Ala, Mm Yiγiγden tumes aṭas’’.
Mmi-s ugellid: ‘’Nniγ-awen aha ssufγet-tt-id ad tt-waliγ!’’
Teffγ-ed tmeṭṭut tebra i wallen-is, tessedreg akka acemma udem-is s yifassen-is, tekna sdat n mmi-s ugellid, netta yefka-as tarkast-nni n wurraγ. Teqqim γef yiwen uqejmuṛ yersen deg ufrag sdat n yiseqqif, tessufeγ-d adarr-is seg tqebqabin-nni n usγaṛ aqurran telsa, tessekcem-itt deg terkast-nni n wurra&gamma,; tusa-d fell-as s lqis. Yewwi-tt mmi-s ugellid γef wayes. Akken i d-terfed s uqeṛrru, yessaked-itt mmi-s ugellid s allen-is, yeεqel-itt d nettat i d taqcict-nni i γef niqal yerhen temẓi-s lemmer ur tt-yufi ara… Tettkemmil
Yerra-tt-id seg talmanit
Essaid Ait Maamar