Aṭas n leqdicat akked tezrawin tussnanin i d-yewwin awal ɣef wungal «Bururu, ur teqqim ur tengir », i yura mass Taher Weld Ɛemmar i d-yeffɣen deg useggas n 2006 ɣer teẓrigin Azur. Ungal-a yewwi arraz Apulée deg useggas 2008. Ameskar, deg-s yemmeslay-d ɣef tɛecret taberkant tesɛedda tmurt n Lezzayer.
Ass n larebɛa 21 ctember 2011 ɣef saɛtin n tmeddit tella-d tsalelt n turagt deg tesga n Tutlayt d Yidles n Tmaziɣt n tesdawit n Bgayet. Taseqqamut n tsalelt-a llan deg-s: Buɛmara Kamal(anemhal n tezrawt-a), Ɛeyyad Salim(aselway n tseqqamut), Yeḥyawi Mehdi(amakyad) akked Bellal Nurdin( anemhal amallal).
Tazrawt-a gan-tt yinelmaden Mezyud Maǧid akked Bensalem Ɛebdeslam, s uzwel «Tasleḍt n wakud aḍrisan n wungal Bururu, ur teqqim ur tengir n Taher Weld Ɛemmar». Deg-s wwind awal ɣef tsekla yuran(tasekla tamirant) s tutlayt tamaziɣt si Belɛid At Ɛli, iɣer yettuɣal uḍris aseklan amezwaru s tutlayt tamaziɣt, ɣer Taher Weld Ɛemmar yuran ungal « Bururu ».
Asteqsi agejdan iɣef tebna tezrawt-a d amek yebna wakud deg wungal-a d wamek i t-yessemres umeskar
Ɛebdelɛaziz ḤASANI