Tenna yemma Xliǧa « Tamussni-nwen d aγilif, lemḥibba-nwen d asawen « , d awal-a ara sen-nini i « watmaten » Imasriyen ass-a. « Ma tewwim-d yiwen neγ sin, kkert ad tezlum yiwen « . Ma yella kra i yxedmem n wayen yelhan, i Lezzayer n wass-a neγ n yiḍelli, ass-a tessamsemt. D kenwi i yezwaren γer lexsara, tewwtem imyuraren-nneγ,; tessazlem idammen-nneγ di tesga n uwwam-nwen : ta, mačči d tirrugza, ay-agi d lεar i twedmem. Yessulef ad tessetḥim s wayen txedmem, maca ddel ur ineqq ara; kenwi idul-iken Rebbi si zzman n sid-nneγ Yusef. Annect-a, ur yezmir ad d-yekk seg yiεdawen-nni n ccaw.Nurar d Lalman nerbeḥ-itt,ur aγ-xdimen ara akka, Fransa kif-kif ; anida tebγu truḥ terbaεt taγelnawt ur tt-id-ttnalen ara.Kenwi tezzlem-d ifassen-nwen γer weglaf n tzizwa.Wid yettεanin tizizwa ilaq ad yeḥsu d acu ara yeḍrun yid-s. Tewwtem, tezwarem γer yimeṭi ; tessazlem idammen-nneγ,; truḥem ad teccetkim. D acu-t way-a ? Ula di sinima,taselwayt, wegraw tasinimatikt n Maser tger-d tiγri i wakken ad yili unegzum n wassaγen d yemtilen-nsen Izzayriyen. Rbeḥ a tafat !!! Ma yella kra n yisura igerrzen, i aγ-d -yessufγen si » ḍulumat ila nnur », γas ǧǧet-ten din γur-wen neγ ḍeggert-ten γer Nil, tabeε yewseε.D isura-yagi nwen i aγ-« yerran γer deffir » ma d tidet nuγal γer deffir. Ala ! Lezzayer trekkeε ara zdat lekdubat n tγamsa-nwen yeffγen iberdan n tγamsa. Tebnam-tt γef lkerh n yizzayriyen axaṭer nif-iken di yal tamsalt, d ay-a i ken-yeǧǧan teggumam ad tamnem belli ur tettruḥum ara γer umaḍalan n 2010 di Tefriqt n wenzul. Ihi, γas kkest aγilif; Lezzayer tugar-iken iḍelli, ass-a, azekka. » Ṭez ya Masser », i d as-yenna Lḥaǧ Lɛenqa
A. Arab