Ass n letnayen iεeddan, aṭas seg yimezdaγ n taddart n Ṛmila d tudrin-nniḍen n tγiwant n Sidi Σic d tγiwant n Yifnayen ffγen-d γer ubrid akken ad ssutren tukksa n tγaza n tumlilt i d-yezgan tama n lluzin Alfaditex rrif n ubrid aγelnaw uṭṭun 26. Imezdaγ i d-yeffγen deg aṭas yid-sen, γelqen abrid kra tekka tṣebḥit n wass n letnayen, segmi i tugi tedbelt ad sen-d-teqbel asuter-nsen yellan d tukksa n tγaza i d-iqeṛben s waṭas γer tmezduγin, ayen i yeǧǧan aṭas n yimezdaγ i yuḍnen s sseba n uγebbaṛ i d-yettefγen seg-s. Lexbaṛ aneggaru i aγ-d yewwḍen γef temsalt-a, dakken yiwet n terbaεt yettmetilen imezdaγ n temnaḍin-a yenṭeṛṛen tṛuḥ ad d-tẓeṛ lwali, wissen ahat ma ad sen-tt-id-yefru.
M.C