Taddart n Tiɛwinin i d-yezgan di tɣiwant n At Wagnun ɣef teɣzi n 20 km deg ugafa n lwilya n Tizi Wezzu, d yiwet n taddart i yettidiren deg lixsas meqren. Taddart-a yebḍan ɣef sin n yiḥricen, Tiɛwinin n Wadda d Tiɛwinin n Ufella deg ugafa n udrar n At ɛissa Mimun tesɛa ala yiwen n ubrid ɣezzifen s wazal n 04 km, ixus di tehri yerna ata-n ur teshil ara deg-s tikli.
Ɣas akken yella-d usirem n yimezdaɣ mi bdan lecɣal n uqeɛɛed ines, maca lecɣal d wid ur neddi ara akken iwata, ɣef leḥsab n waken I d-nnan kra n yimezdaɣ n tadart-a, « aya d aḍeggar n yidrimen, imi lxedma am ta ur tettdum ara, neḥsa belli ageffur amezwaru ara d-iɛeddin ad yuɣal ubrid-a akken yella. » Ad nerr lwelha belli d arrac yeqqaren i yenṭerren, imi ula d aɣerbaz amenzu n taddart medlent tewwura-s, d ayen I ten-yeǧǧan ttruḥun mebɛid iwakken ad ɣren. Ula d imdanen nniḍen ur ten-tezgil ara liḥala –a, imi yal mi ara bɣun ad ruḥen sani n kra, d lmerta n ttawil n usiweḍ I ttqabalen.
D.I