Krim, d aγewway aqbur (Acien Rebelle) n tegrawla Tazzayrit, ilul ass n 14 dujember 1922, di taddart n Tizra Σissa, deg At Yaḥya Musa, di temnaḍt n Draε El Mizan. D mmi-s n Ḥusin Ḥemmu Σissa akk d Caybet Ḥlima.Yekker-d deg yiwet n twacult i yeqqaden iman-is aṭas. Iruḥ γer Lezzayer tamanaɣt aseggas n 1928, din i yelmed deg uγerbaz amezwaru, yessaweḍ γer taggara n uswir amenzu (certificat d’études) aseggas n 1936.
Yezzi-d useggas, yewweḍ-d ad yesεeddi akayad akken ad ikemmel ulmud-is, maca taggara ur yesεeddi ara, γef waya Krim ur yelmid ara deg uγerbaz afellay (Ecole superieure). Syen , yuγal unemhal n uγerbaz- nni mass Herbelin, yeγtes ad t-id-yesuffe&gamma,; γef aya, Krim yuγal-d γer taddart-is s war asenfar n taggara (Sans projet d’avenir).
Deg useggas n 1940, Krim iruḥ ad yexdem d amaray di tγiwant tamassayt n Draε El Mizan, deg useggas -nni kan yeγtes ad yezweğ, Krim yefren yiwet n teqcict takat-is d tamesbaγurt (riche) si temnaḍt n Lemεetqa (Tizi-Wezzu). Deg wussan imezwura n tefsut 1941, γlin-d yigna gar-as d unedbal, krim yeğğa Draε El Mizan, yuγal γer taddart-is deg useggas n 1942. S yen Krim Belqasem, yebda asennefrey (Sensibiliser) n yilmeẓyen n taddart-is deg umenzu n yulyu 1943. Ass n 4 maggu 1943 yekcem γer lεesker di temnaḍt n Leγwaṭ. Dγa, yezzi-d useggas kkan cegεen-t-id γer temnaḍt n Blida deg useggas n 1944. Ass n 26 unbir 1944, iεelleq (Caporal), yezzi-d useggas, amenzu n yulyu1945, beddlen-t rran-t γer tγiwant n inemhalen Izzayriyen(RTA; Régiment des Travailleurs Algériens).
Ass n 04 tuber εellqen-as (Caporal Chef), sin n yiseggasen d uzgen γer zdat yelḥeq izrigen n Ukabar Aγerfan n Lezzayer (PPA). Meγres 1948, Krim ittwaṭṭef sin n yiseggasen γer useckref (lḥebs) n Tizi-Wezzu.
Ass n 03 yulyu 1954, tella-d temlilit gar sdis (06) n yiγellaten imazrayen (chefs historiques), syen Krim yuγal yeṭṭef tamurt n Leqbayel ; yuγal seg wid i d-yekkren ilmend n tegrewla n unbir 1954, ladγa yella yid-sen Σebban Remḍan d kra n waggagen (Intellectuels) nnejmaεen di Lezzayer tamanaγt. Di temlilit n Summam, yedda d Uεemran, fernen amḍiq i deg tella teγlist (Sécurité). Annect-a yella-d sγur krad (03) n yirgazen ; Krim, Σebban d Ben Mhidi, di taggara yella-d usebded gar tejmaεt n usdukel d uselkem(CCE) d usqamu aγelnaw n tegrawla Tazzayrit (CNRA). Di 1957 yeğğa Lezzayer yuγal yunag γer tmurt n Tunes, iffeγ netta d Ben Ṭubbal, Ben Xedda, Σebban Remḍan d Deḥleb.
19 ctember 1958, di tmurt n Ccam, Ferḥat Σebbas iger-d tiγri i wakken ad d-yessebed akabar iwumi semman; Anabaḍ Amazguz n Tegduda Tazzayrit (GPRA) ad d-yili γef yidis n tejmaεt n usdukel d uselkem (CCE) di tmurt n Tunes, syen Aselway n tegduda n Tunes Mass Burgiba ifka-d umuγ (Liste) unṣib i ugdud n yimasladen (Membre) n Unabaḍ Amaguz n Tegduda Tazzayrit (GPRA), dγa Krim rran-t d aneγlaf n yiγallen n yignan (Ministre des forces armées) maca, Krim yebγa taselwit (présidence) acku d netta i yellan d aγellat amazray (Chef Historique), siwa netta i yekkaten γef tlelli n tmurt maca Buṣuf d Ben Ṭubal ran ad kksen aneγlaf n yiγallen n yignan, fkan amḍiq-is i Bumedyen.
Krim bγan ad t-rren d aneγlaf n lecγal n berra deg umḍiq n umejjay Lamin Debaγin, Di taggara n 1961 yeğğa Ccam yuγal yunag γer tmurt n Rruss d Ccinwa. Ass n 11 furar 1962 γef tsaεet n lweḥda d uzgen n uzal (13h 30), tella-d temlilit gar uγella n tegrawla tazzayrit (Délégation Algérienne) akked Louis JOKS , dinna i bdan imastagen (Négociation) . Ass n 07 meγres 1962 γef 11h 15, Krim izmel, yekcem di « EVIAN ». Tameddit n wass n 17 meγres 1962 tella-d yiwet n temlilit deg uxxam ameqran n tegrawla Tazzayrit. 18 maγres 1962, Krim izmel yiwen n umazrar n 39 n yisebtar. Azekka-nni 19 meγres 1962, tefra tegrawla n Lezzayer, yerra talast i lhers, yessufeɣ leɛtab n yizzayriyen ɣer tafat. Deg uzekka-nni n timunent n tmurt n Lezzayer, Krim yugi ad yeqbel asqamu yettwasbedden n FLN, imi yugi rray n Ben Bella. Deg useggas n 1965, asmi i d-yuli Bumedyen ɣer leḥkem, ibedd Krim mgal iɣil yettwasxedmen, d ubrid i d-wwin widen yewwḍen ɣer tqacuct. Deg useggas n 1967 yeslul-d yiwen n ukabar MDRA, maca gten fell-as wuguren, dγa deg useggas-agi kan yunag γer tmurt n Lalman mi akken i as-sbabben aɛrad n tmenɣiwt n uselway Bumedyen, almi i as-ḥekmen s lmut deg useggas n 1969.
Deg wass n 18 di tuber 1970, Krim yettwanɣa di Franckfurt, tamurt n Lalman, daxel n texxamt n usensu anda yettidir, ufan-t yettwaxneq seg yiri!!!?
Ass n 24 di tuber 1984, nuqlen-d iɣsan-is ɣer tmeqbert n yimeɣrasen i temnaḍt n Lεalya n Lezzayer tamaneγt. Ihi yura deg umezruy Azzayri dakken Krim d netta i ijerden timunent n tmurt n Lezzayer.
Islam Bessaci