Ulamma zriɣ Nunamber-agi si dipasi, a t-id-nawi kamim, alih ! - Nunamber

Nunamber yerra-d axbir,

Yebrez abrid d amellal

Medden ɣillen d tmesxir

Ma d irgazen reznen awal

Aqlaɣ a t-id-nettfekkir

Ar tura la d-yessawal

Mbeɛɛid la d-yeggar tiɣri

As-tiniḍ yebɣa ad d-yuɣal

Nekni d ayen i nettmenni

Ma yeqqim-d kra n wawal

Ar ass-a mazal tefri

Anda i ɣ-yeǧǧa i ɣ-mazal

Yiwen yuɣen ula d Rebbi

Wiyeḍ yerra-ten d lmal

Wigi ugaren arumi

Ur yid-sen a nemyeqbal

Ur yid-sen ṣṣlat nnbi

Ssnen kan tinna n wuzzal

Tinna n wuzzal ad d-tezzi

Yerna ad mecḥen akal

S wass-is ak d kunwi

Muḥya

Ulamma zriɣ Nunamber-agi si dipasi, a t-id-nawi kamim, alih ! – Nunamber