I kečč aya selmad n tinzert, i kečč a win yerran tutlayt n tmaziɣt d iswi akken, deg umaḍal, ad tennerni. Tleqmeḍ deg-s timsirin di Berbère Tiliẓri, agemmay tessawḍeḍ-t ɣer uxxam n yal ilelli, teslemdeḍ-asen tajerrumt ɣef tfelwit am lemri, yal awal tgiḍ-as azal d wamek iteddu yimesli.
Iswi-k a gma, ay aselmad n tinzert, ad t-nerr d asafu ad irreqreq, yis-s ara nezzuzef tillas, ad aɣ-d-iban ubrid sani, abrid-nneɣ yak iban, d win i tewwiḍ keččini.
Keččini i yecban isem-ik, tnewreḍ amzun d itri, ɣas akken tnubaḍ fell-aɣ, deg wulawen-nneɣ d imezgi ; acḥal sutreɣ di Rebbi, di lǧennet ad k-yeg irebbi.
I kečč a Nur n At Ɛmara, awal-iw ahat yuli, bɣiɣ ad ak-in-azneɣ ayen i d-yudmen deg-i, suref-iyi ahat cḍeɣ, d ayen i yella deg-i.
s-ɣur : Kader Bélaid