Rreḥba tis 04 n udlis n ğeğer, yeldi tiwwura-s ddurt-agi yezrin seg wass n 17 unbir 2011 almi d 21 unbir 2011 deg uxxam n yidles Lmulud At Mεemmar n temdint n Tizi-Wezzu,s teγzi n 5 n wussan, anda yella yimḍebber amenzu n lwilaya, iεeggalen n ugraw Aγerfan n Ugerzu n Tizi-Wezzu (APW), d yimḍebren n yiḥricen yemgaraden.
Tamesbanit-agi, i d-tessudses tnemhalt n yidles n temnaḍt n Tizi-Wezzu, tejmaε-d azal n 25 n tezrigin n udlis, anda i xedmen timziknin d uznuzu n yidlisen, s tisin n watas n yimyura.
Tikkelt-agi, ula d ime3dar (wid ur nettwali-ara), gan-asen-d ttawil, imi (onps) ibudd-asen-d amḍiq i yidlisen n braille.
Rreḥba-agi n udlis, tella-d d tajmilt i sin n yimyura n Tmurt n leqbayel. Wigi d Chabane Ouahioune d Tahar Oussedik a ten-yerḥem Rebbi.Ɣef tudert d umennuɣ n Tahar Oussedik d yelli-s i d-yewwin awal. Ma ɣef Chabane Ouahioune d Aomar Mohelbi, d yiwen segf ineɣmasen i tyemlalen acḥel n tikkelt, i d-yemmeslayen . Tamesbanit-agi, niqal a d-temdel tiwwura-s ass n 21 unbir 2011, maca imḍebren jebden-as yiwen n wass, almi 22 unbir, imi aṭas n yimdanen ama d inelmaden, iselmaden, imusnawen,atg, i tt-d-iqesden.
Islam Bessaci/Aɣmis