Nuja ideflawen(Schneewittchen/Blache-Neige) d yiwet ger tmucuha n watmaten Grimm d-yesmuḥyet Sεid At Mεemmer si tlalmanit. Ukkuẓ(4) gar-asent tmucuha-yagi, asefru yakkd tezlit i warrac, la ten-tkelles tnaẓurt Tatie Tamcumt, a d-yeffeγ usidi-nsen(t) di taggara unebdu-yagi n 2011.
Teγli-d yiwet talwit γef wul-is, am warrac deg uγerbaz, mi ara ten-id-yaweḍ isali deg weẓγal, yuḍen uselmad amaṣri, ur qqaren ara tterbiyya ddiniyya.
Iymuyuden mi akken d-ufan Nuja tesselqef, yeffeγ-itt nnef-s, ulac amek ur qlalḥen, wwten akk yes-sent, nudan γef kra n ttawil yellan d wayen izemren ad yili, temmut, temmut!
Segmi walan akken, uγalen refden-tt-id, wwin-d nnεac ideg ssersen iγsan-is, nnḍen-as-d akk, ttrun fell-as kraḍ wussan d kraḍ wuḍan yeqqnen di tnelli.
Ccaw ran ad tt-meḍlen, maca, terra-ten ccbaḥa n teqcict, ttwalin-tt am tin yeddren terna tezweγ ur teğği ara leḥnak-is, γas ulamma temmut.
Uγalen msefhamen, rran-as i nnεac-nni lγemm n zzğağ, yezmer wemdan ad tt-iwali si yal tama sakin.
Uran fell-as s isekkilen n wuraγ isem-is, war ma ttun daγen uran, d yelli-s ugellid ay tella.
yettkemmil