Awal d tira d taḥwect n kra yura neɣ yenna Mouloud Mammeri, amek i d- yella ubrid ɣer leqdic yecben wagi ?
Busaɛd At Barac (Boussad Berrichi) : Leqdic meqqwer mačči d kra. Asmi lliɣ d anelmad, fkiɣ azal aṭas i tsekla ladɣa tira n-imyura nneɣ. Ihi, asmi sawḍeɣ ɣer tseddawit, heggaɣ kra inaditen ɣef imyura nneɣ, ladɣa Lmulud At Mɛammer, Lmulud At Caɛban, tawacult Amrouche Taos, Lmuhub akked yemmat-sen Faḍma, Kateb Yacine, Tahar Djaout… d imyura nniḍen. Asmi walaɣ belli ilaq ad begneɣ ayen itt-wattun di tira neɣ d wawal imyura agi, weqmeɣ inaditen, ger-asen anadi ɣef Lmulud At Mɛammer. Aḥric amenzu deg unadi agi ifɣed s wudem n Sin wadlisen (2 tomes) imi semmaɣ « Mouloud Mammeri, écrits et paroles » (Lmulud At Mɛammer, tira d wawal) ɣer tezrigin CNRPAH deg seggas n 2008 (fɣend – tikkelt nniḍen aseggas n 2010).
Anadi yella-d s wudem usnan. Di tazwara, leqwḍeɣ-d ayen d inna d wayen yura Lmulud At Mɛammer akked wayen ittwarun neɣ d illan ɣef tmusni akked tira ines aka yakk di yal tamurt di ddunit. Ayen d leqḍeɣ uniɣ-t, uriɣ-t, vegneɣ-t-id s wudem usnan ama d adris, tadiwnit, asarag, tamedyaz, tazrawt… s watas n tmeslayin : s taqvaylit (tamaziɣt), s tafransist, s talmanit akked s taglizit. Anadi ikka ugar 10 iseggasen ɣef tmusni n Lmulud At Mɛammer. Iggad yebɣan ad aɣren neɣ ad issinen d acu tamusni d iǧǧa umusnaw Mouloud Mammeri, zemren ad ɣren adlisen innes akked d sin wadlisen agi « Mouloud Mammeri, écrits et paroles ».
Yella-d unadi ameqwran i ggiɣ di Fransa akked di Canada, d tazrawt ɣef tira n Mouloud Mammeri. Di tazrawt agi talqayant, begneɣ-d tamusni n Lmulud At Mɛammer amek telha di tmurt-is akked di ddunit, ladɣa ayen yellan tamusni taqbaylit di tira-s.
yettkemmil
Ait Slimane Hamid