Timlilit d unaẓur d tadwilt i d-yettheggi, yal aggur, Slimane Belherat deg uxxam n yidles Mulud Mεemmri n Tizi Wezzu. Tikkelt-a, inecced-d acennaw ameqqran n ccaεbi Abdelkader Chaou. Aṭas n yimdanen i iḥedren timlilit-a. Amur ameqqran gar-asen, γas akken meẓẓiyit, ssnen tizlatin-is qrib akken llant imi yal tikelt ṭṭalaben deg-s ad asen-d-yecnu yiwet gar-asen. S lferḥ i asen-iteddu ucennay di lebγi, ladγa imi iḥulfa quddren-t mliḥ mi asen-d-yenna taddart-is d Tifra i d-yezgan di Tigzirt. D acu kan sḥasfen wid i t-yessteqsan imi ur yecni ara s teqbaylit xas akken yecna tizlit-nni n Chikh El Hasnaoui. Meεna, yewεed-iten ad yecnu s teqbaylit u ha-t-an, akka tura, ad d-yettheggi yiwet n teslit n Slimane Azem.
Llan wid i as-d-yesmektin,di&gamma,; asmi yecna di Larebεa Nat Yiraten deg useggas n 1974, di tmeγra-nni n lḥebb lemluk. Netta yenna-d lliγ meεna ur cniγ ara, ur d-yefki ara sebba. Γaf wakken i d-nnan,zik, ugin-as lγaci ad d-yecnu s taεrabt. Yebda-d tizlit-nni ‘’ğah Rebbi ya ğirani’’, dγa wwten-t s ṭumaṭic u cennun-as ‘’ğah Rebb-k, ya ddin Rebb-k’’. Akken yebγu yili lḥal, ass-a, Chaou Abdelkader ḥemmlen-t leqbayel ayen din, ttqader mliḥ. Aya iban-d di timlilit-agi. Γef wakken i d aγ-d-yenna, d wiyaḍ i as-ixeddmen tizlatin, ladγa Mahboub Bati, netta icennu kan, leεmer yexdim ula d yiwet n tezlit i yiman-is.
Hocine. M