Ddurt iεeddan, ṭṭfen yiγallen n laman yiwen umdan di taddart n Tala Athmane γur-s azal n 20 kilu n lkif. Σlaḥsab n yisallen i aγ-d-yewwḍen, d winna iwumi yessenz ass-nni 3,5 kilu n lkif i t-yessawḍen γer yifassen n yiγallen n laman. Mi ufan γur-s lkif-a, msefhamen yid-s yiγallen n laman iwakken ad asen-yemmel amdan-nni uγur i t-id-yuγ. Γef wakken i d-nnan, yessawel-as u yefka-as asiher γer taddart n Tala Athmane iwakken ad as-d-yernu lkif i as-d-yeqqimen. S wakka dγa i as-ndin yiγallen n laman ticerket u netta yeγli deg-s. Meεna, γef wakken i d-qqaren, mačči d amεellem ameqqran i yettwaṭtfen, d wayeḍ i d-iceyyeε deg umkan-is. Amεellem ameqqran netta n At Wagennun, yesεa lluzin n ṣabun d leḥwal n tarda di Tala Athmane.
I usmekti, mebεed aneγluq n ttbaren-nni ur nesεi ara lekwaγeḍ, tezzi-d nnuba n lkif…wissen ‘’ma d tezdeg i d-yesteqsan?’’ akka i aγ-d-yenna Dda Ali…
Hocine.M