Ma numen ayen i d-yura Madjid Khetar i uγmis ‘’djazairnews’’ di Internet, iḍerru ubaxix di teḥdayin-nni i d-yettazgan d timezwura di temsizzelt ‘’Miss Kabylie.’’ Aneγmas-a yestaqsa tiqcicin-a γef yiswiyen d wacu i d-yettilin di temliliyin-a. Γef wakken i d-nnant, mačči akk dayen γef wayeg msefhamen i d-iḍerrun mi ara uγalent d Miss Kabylie: ‘’imḍebbren n temsizzelt mačči kan ur ttaṭṭafen ara deg wawal-nsen. Beqqun ad aγ-sxedmen i wayen-nniḍen; bγan ad aγ-awin deg yir ubrid.’’ Akka akk i d-nnant, deg umagrad-a. Imḍebbren ṛeggmen-asent arrazen, tirza γer tmura tiberraniyin, idrimen, meεna d ayen nniḍen akk i d-yellan. Ha-t-an wayen d-nnant i uneγmas-a: ‘’Nekk nnan-iyi-d ma tebγiḍ ad truḥeḍ γer Fransa, ad tedduḍ akked yiwen n uɛeggal n l’APW n Tizi Wezzu. Mi ruḥeγ akken ad zreγ wagi ukked ara ddu&gamma,; din din fehmeγ timsal, imi i yi-d-yenna yid-i ara tettiliḍ ula deg usensu. Syin, yenna-d ma ulac ad nruḥ γer Lmerruk.’’ Ma d tayeḍ tenna:’’Nekk heggan-iyi-d ad dduγ akked yiwen unaẓur γer Kanada, zaεma. Wagi yenna-yi-d srid lmeqsud-is: yebγa ad yezhu yis-i.’’
Ma d imḍebbren n temsizzelt nekkren aya, u nnan-d iswi-nneγ d asnerni n yidles aqbayli s umata… Wissen kan ma yewweḍ lexbar leḍyur…DSK.
Hocine. M