Am yal aseggas, inelmaden n ugezdu n tutlayt d yidles amaziγ u s lmendad n umazday n yinelmaden n ugezdu-agi ,heggan-d ahil s wazal-is i usmekti n yennayer 2962. Ahil idum azal n tlata n wussan:10/11/12 di yennayer 2012. Ass amenzu, yella-d wawal sγur yinelmaden n umazday d abdu unsib n leqdic. S yin d timsikent n udlis. Yella-d, daγen, lbiε s ubuddu sγur Mass A.KENZI akked Mass S.LOUNICI am wakken i d-wwin awal γef yennayer d wamek d-yettili usfugel-is d wansayen di tmurt n tmazγa s umata imi LOUNICI seg tmurt n Wewras(batna) ma KENZI si tmurt n Leqbayel.
Ass wis sin tkemmel timsikent n udlis , asenεet n usaru documentaire “HISTOIRE DES BERBERES” syin tella-d temsizwert n unawel n seksu i d-nawlent tullas n ugezdu. Ufranent-d tullas n useggas amezwaru seg Wat Jennad. Ma d ass aneggaru, tkemmel temsikent n udlis syin tella-d yiwet n tceqquft n umezgun sγur tarbaγt “Ixulaf n tlleli” i d-yerzan si Mεatqa. S wanecta i yekfa leqdic γef yennayer. Di taggara, ad asen-nini aseggas ameggaz i wid i d-iheggan leqdic-a akked Yimaziγen merra.
D. Hadj. Said