Ass n yennayer-agi iεeddan, nemlal di temdint n Tizi Wezzu tlata n yinelmeẓyen imaziγen n tmurt n Libya. Ilmeẓiγen-a, usan-d ad ḥedren i kra n yisaragen ara d-yilin γef tmaziγt, syin ad walin amek ara ssiwḍen kra n tmussniwin i Yimaẓiγen n Libya. Γef wakken i aγ-d-nnan, bγan ad slemden tamaziγt gar-asen di Libya acu kan ur ssawḍen ara akka tura. Ma γef wayen yeḍran di tmurt-nsen, nnan-d:’’ nella gar yimezwura-nni i ikecmen s axxam n Lqeddafi s leslaḥ. Amur ameqqran idehmen γef temdint d Imaziγen. Taggara mi tefra, ḥcan-aγ-tt. Ur stεerfen ara yis-neγ. Ur aγ-fkin ara amekkan di leḥkum.’’ Ma γef umennuγ γef tmaziγt, nnan-d:’’tura, dayen. Nezmer ad nerfed leslaḥ ma yella kemmlen deg ubrid-a. Ma ugin ayen nessutur, ad terwi. Aṭas i yebγan tamaziγt akka tura. Xas d wid ur tt-nettmeslay ara, meεna qqaren-d nekni d Imaziγan.”
I wakken wwḍen-d γer Lezzayer, ilmeẓyen-a εeddan-d si Tunes. Ferḥen imi i asen-nenna yal aseggas, di 20 yebrir, ttasen-d yilmeẓyen si tmurt-nwen γer Tizi Wezzu i wakken ad ttekkin di tikli. Teεgeb-iten aṭas Tizi Wezzu, u bγan ad d-uγalen tikelt-nniḍen akken ad qqimen kra n wussan.
Hocine.M