Leɣla n yisafaren yemgaraden n lmakla ɣef teɣzi n wussan-agi n Remḍan , yeooa aṭas n twaculin ,di yiwet n tmara d tameqqrant, ladɣa tiyemmatin I izenzent ayen i kesbent I waken ad awint I warraw-nsent ayen I ilaqen ama d lmakla neɣ iselsa d wayen nniḍen.
Simal liḥala n tmeɛict n twaculin tiqbayliyin tettuɣal ɣer deffir s sseba n lexṣas n uxeddim d ssuma ur newilem ara I yettaɣ win ixeddmen deg yimḍiqen yemgaraden ama ɣer dduwla neɣ ɣer yimɛellmen, ayen I ten-yeooan ad sḥissefen ɣef yir taswiɛt deg I d-gran, anect-a am akken I d-nebder di tazwara yeooa tilawin ad zenzet ula d ddheb I kesbent, iwakken ad fkent afus n tallelt I yergazen-nsen ur neqad ara, aya yettili-d s lebɣi-nsent,taluft -agi d tamaynut ɣef tmetti taqbaylit imi aya macci d ayen si-yettwassen uqbayli deg yiseggasen yezrin, nettwalit kan di tamiwin nniḍen di tmurt n lezzayer , ayen i d-aɣ yesswehmen di taggara n ddurt-agi deg tɣiwant n Draɛ Ben Xedda imi llan kra n yirgazen deg ubrid la znuzen kra n tɣawsiwin n ddheb, d ayen iwumi sseḥassfen imsebriden I la yettwalin deg-sen .
ɣef akken tella di lɛadda n temnaḍin yemxallafen n tmurt n leqbayel, d akken tilawin di leɛmer ur zenzen ayen kesben, ma di yella lexûas deg yixamen-nsen, ladɣa ɣef ddema n lmakla neɣ n yiselsa yelhan, siwa ma di ddrent taluft tameqqrant yerzan tazmert d tujya n yiwen seg yiɛeggalen n uxxam, berra n waya, ama d argaz neɣ d tameṭṭut ttakken leɛtab I yiman-nsen iwakken ad ddren akken iwata, ad naf si tama irgazen xeddmen timeddiyin mi ara d-ffɣen seg uxeddim-nsen I numen, ayen I yufan , ma d tilawin xeddment ama d afexxar neɣ iẓedwan neɣ ayen nniḍen iwakken ad rrnunt ɣer wayen yellan deg yixxamen-nsent,ur ggarent ara afus ɣer wayen inejmaɛen yakan I tizi n ddiq.
Malika Kebaili.