Llint-d tewwura n wexxam n yidles Le Château de Montréal, ass n 03 deg waggur n unbir, i ucennay Ali Amran d terbaɛt-is. Aṭas n tlawin d yergazen i d-iruḥen ad ḥeḍren i tmeɣra d-heyya tiddukla Tiregwa. Usan-d si yal tama : Montréal, Sherbrooke, Ottawa-Gatineau, Québec, New York, … Akken ma llan ur tettun ara lexqat-nni s ɛeddan di zeqqa n tmeɣra. S kra n win nesteqsa, d argaz neɣ d tameṭṭut, yenna-d belli leqdic n Ali Amran i wenneɛ dayen kan. Aṭas daɣen i d-yennan belli i teikkelt tamezwarut i iḥeḍren i senf-agi n tmeɣra acoustique i yezzuznen aṭas n warrac d tullas d-yedduklen d yimawlan nnsen.
Send ad yendeh wurar di tzeqqa, Massa Djouher Sekhi, yiwet seg yiɛeggalen n tmeɣra, tzul u tessarem lewqat i igerzen i lɣaci yellan din, sakin temsslay-d ɣef wahil d-ttuheyyan s demma. Anaẓur Rezgi Grim n Montréal i d amezwaru « yerẓa asalu n tmeɣra » s snat n tezlatin d-yewwin ɣef lɣurba. Ad ner lwelha belli tizlatin-a llant deg l’album-is d-yefɣen yakan.
Sakin d nnuba n Zahia i yezzuznen tazeqqa n Le Château de Montréal s tlata n tezlatin i d-ugem s-ɣur tlata n yisulas n tezlit taqbaylit : Ait Menguellet, Mdjahed Hamid (taɣect i deg tuɣal tejmilt i taous Amrouche) akked Meksa (Anzar, ilmend n wesmekti amulli wis 24 n tmetant-is d-yellan 30 deg waggur n Tuber 88)
Mi tɛedda Zahia, tusa-d nnuba n unaẓur Hacemess yerran tajmilit i Mohia s thawact n yisefra. Tettunefk sakin tugnit i Fawzi At Hmed akken ad d-yemmeslay, s ttawil n power point, ɣef uzṭtâ amaynut n Tregwa (www.tamazgha.ca), nniya-s, leqdicat-is yezrin d wid d-teddun.
Mi yekfa Fawzi At Hmed awal-is, tesnubeg Djuher Sekhi Ali Amran d-yiḍallen d sin n les musiciens : Yasmina Shah ɣer piano akked Daniel Largent ɣer la batterie, la basse d wayen nniḍen. S laɛnaya n Jean-Paul Gibilisco (d-yelhan s tmacinin) azal n 15 n tezlatin yellan deg 3 n les album n mmis n Maâtka, zuznet tazeqqa. Mi tnessef tmeɣra, ineced-d Itri yessawanen n taɣect taqbaylit anaẓur amarikani yetttwasnen di ddunit merra Chris Birkett akken ad yecnu yid-s., uqbel ad as-yeǧ amraḥ ad yecnu weḥdes yiwet seg tuɣac-is. Ad d-nesmekti belli Chris Birkett yettwasen seg yeseggasen n 70. Axeddim-is yessawḍ-t almi yezzenz ugar n100 imelyan n yiḍebsiyen di ddunit .
La pianiste Yasmin Shah (d tamarikanit) tettuneced-d ula d netta ad d-cnu yiwet n taɣect i d-tesmuḥyet seg yiwet n tmucuha n Jean de la Fontaine d yiwetr n teqsiṭ indienne.
Xali Sliman akked Tabalizt  ,; snat tuɣac-nni i syettwasen Ali Amran, d tuɣac tineggura i yesumlen tazeqqa s cḍeḥ. Ad d-ner lwelha belli imir i d-yuli Hakim Cherif, percussionniste igerzen n Montréal.
Di taggara, yettunefk warraz i Ali Amran. Deg warraz-a yura : « I Ali Amran, ilmend n cbaḥa id terniḍ i tezlit taqbaylit »
Racid A. A. U .