Tiregwa, tasbeddit takanadit i Tmaziɣt tbereḥ-d s tulɣa n teẓrigt tamezwarut, 2013-2014, n temsizelt n tira n tullisin neɣ Arraz Belɛid At
Aɛli. S weskar n warraz-a sɣur tesbeddit Tiregwa tebɣa ad terr tajmilt i yiwen wemyaru ameqqran, wagi d Belɛid At Ali , d yiwet n tgejdit i
yeǧǧan tasekla taqbaylit ad teger seg timawit ɣer tira. Asmi i d-ilul Belɛid, ilul-d i tira. M’akken i d-yeḥder ad yefren anta tutlayt s wayes-s
ara, ɣer ɣur-s iban d tutlayt n yemma-s : taqbaylit. Ger yeswiyen n warraz-a, d ademmer n yemrura i d-yettnekkaren akken ad ḍefren adrid i d-yenjer Belɛid At Aɛli. Dɣa tagnit tettunefkasen i yemdanen i iḥemmlen tutlayt n Dda Lmulud akken ad refden imru akken ad kksen algam i tirga-nsen ad ten-id-suffɣen d iḍrisen. Wid d tid i ran ad ttekkin deg temsizelt n tira Belɛid At Aɛli, ɣur-sen armi d amenzu n Yennayer 2964 (12 yennayer 2014) akken ad d-aznen iḍrisen-nsen ɣer tansa-a : belaidatali@gmail. com. I wugar n yisallen ɣef yilugan n uttekki deg temsizelt, rzum ɣer wesmel : www. belaid. tiregwa. com. Igemmaḍ n temsizelt Arraz Belɛid At Aɛli ad ten-teẓrem ass n 20 yebrir 2014. I demma n wid d tid i irebṛen, yiwet n tmeɣra n trririt n warrazen ad d-tilli deg unebdu 2014. Arrazen ara bḍun waygar-asen d wigi
– Arraz 1u : 80 000 DA
– Arraz wis 2 : 50 000 DA
-Arraz wis 3 : 30 000 DA