Imezdaγ n 24 n tudrin i tesεa tγiwant n Wizgan i d-yezgan γef 70 i kilumetren deg usammar n tmanaγt n Tizi-Wezzu, mazal tettidir deg yiwen n wugur n lexṣaṣ n tedrimt meqren nezzah deg lbusṭa n temdint-agi acku s teγzi n yiwet n ddurt ulac idrimen deg-s. Γas akken anemhal amatan n « Algérie Poste », iwekked-d ussan-nni yezrin d akken aγbel n lexṣaṣ n tedrimt di lbusṭat d win ara-yefrun.
Maca ulac ugur yefran ar tura, imi aṭas n yemdanen i d-yetteqsaden lbusṭat akken a d-sufγen idrimen, maca ttafen-tt-id mebla idrimen, degra-d εaryan. Tazγent n lexṣaṣ n tedrimt d taγelnawt imi ugur n lexṣaṣ n tedrimt yekka-d di lbankat.
Γef annect-a, imdanen merra sḥasfen i weγbel-agi, suturen deg imḍbren εlayen wid akken taεna temsalt akken a d-gren imman-nsen aken a d-tafen tifrat i taluft-agi.
Islam Bessaci