Liḥala n laman deg yiberdan n temdint n Tizi Wezzu d tin iluɣen taggara-a s sebba n tukerviwin. Imsebriden, teddun ssikiden ɣer ioufar nsen, ladɣa tilawin d yimeɣaren, imi imakaren ttemɣen mebla akukru ɣef ayen akk yesɛan azal, ama d ddheb, les portables akked txerḍin. Imxenzen-a, fernen imukan anda i ttilin. Tuget deg-sen tezzin deg yinadaden n tkeryas, neɣ ahat anda ḥebbsent lkiran. Yal tameddit, mi ara yeqwu umedegger, ad farsen tagnit iwakken ad cleqfen s kra n wayen iɣef cefqent wallen. D taswiɛt I ttrajun yal ass, iwakken ad kecmen gar yimdanen, ifassen ad ttemɣen. Imdanen-a, ur nesɛi tugdi, ssexdamen akk ttawilat iwakken ad akren. Deg kra n teswiɛin, s kra n win ara iɛerḍen iman-is ad isuɣ, neɣ ahay ad yerr ɣef yiman-is, d ajenwi ara d-jebden ɣur-s, tikwal sseqdacen ula d la bombe lacrymogène. Lixsas n laman deg yimukan am wigi, yesnerna deg usexdem n tekriṭ (violence) seg tama n yimakaren I yufan tiwwura I temɛict s shala, tetten tidi n wiyaḍ. Tamḥeqranit tebda tettaɣ iẓuran deg temdint, d ayen I yeǧǧan imdanen ssuturen azref nsen deg laman. Aya, yezmer ad d-yili s ufus n yiɣallen n laman, d nutni kan I izemren ad rren talast I liḥala-agi ideg ttidiren yimdanen.
D. IMGALINE
At Yaḥia Musa,
Lixsas deg lemɛawnat n lebni deg tuddar
Taɣiwant n At Yaḥia Musa i d- yezgan ɣef teɣzi n 30 km deg unẓul n twilayt n Tizi Wezzu, d tin yettidiren lixsas meqqren deg uḥric n tnezduɣt. Ɣas akken afus n tallelt i d-tefka dulla deg wahil n lemɛawna n lebni n tnezduɣin deg tudrin i d-ifɣen deg useggas n 2005 d win i yessifsusen acemma deg ccedda n yimezdaɣ, maca lixsas mazal meqqer, imi ahil-a ur yessawḍen ara ad iḥaz tuget n yimdanen. Seg wazal n 2 148 n yimezdaɣ i yessutren lemɛawna-agi, ḥala 1974 seg-sen I yettwaqeblen. Ad d-nesmekti belli imezdaɣ d wid yerfan s sebba n lixsas deg uḥric n tnezduɣt, d ayen I ten-yeǧǧan beggsen iwakken ad reglen abrid aɣelnaw wis-25 ass n yimensi n lɛid tameqrant, am wakken qqaren belli ad uɣalen ad d-sbegnen lɣiv nsen ma ur d-telli tifrat i uɣbel-agi. Am akken daɣ I iwulem ad d-nesmekti belli deg 2005 tesfayda-d tɣiwant s 575 n lemɛawnat gar-asent 50 I yettwaferqen deg waggur n wunbir yezrin. Ad nerr lwelha belli imḍebbren n tɣiwant d wid i yessawḍen iɣeblan n yimezdaɣ ɣer srabes n tmehla n tnezduɣt (DLEP) deg wass n 08/11/2010 anda I ssutren timerna n lemɛawnat ara yessuzfen lḥif n tnezduɣt ɣef yimdanen.
D. I