Aḥric n tezmert d win ideg yella lexsas deg tɣiwant-a, segmi imeḍebbren heggan-d yiwen n wahil n usiwjed n yiwen n sbiṭar ara yawin 60 yimḍerḥen, ad ilint deqqs n les spécialités ur nelli ara deg temdint n Aẓeffun, s zzyada n 22 yimejayen. Ad yesɛu sbiṭar-agi snat n tzeɣwa n ucelleḥ.
I usmekti, taɣiwant-agi d tin yesɛan la polyclinique deg temdint Aẓeffun, d 4 n tzeɣwa n tujjya deg tudrin n Bumellal, At Rhuna, Tijmimin d Bumesɛud. Si tama-nniḍen, tessewejed tɣiwant snat n tzeɣwa n tujjya deg tudrin n At Sidi Yeḥya d Acuca s wazal n 5 imelyunen n dinar. Maca, ar ass-a ur ldint tewwura-nsent seg 5 yiseggasen segmi kfan lecɣal s sebba n lixsas n yimejjayen d ttawilat n tujjya.
Dalila I.