Waqil d tidet, aḍar da aḍar-nniḍen din, la yesɛufun deg la mer méditerranée! Wa d akabar n PST i ibuykuṭin tifranin n tselweyt i d-iteddun ass n 9 deg yibrir 2009. Aya d lḥeq-is, yal yiwen amek i yettwali. Asmi i yessawel ɣer lbuykuṭ,; yessefhem-d win yettmeslayen s yisem n ukabar-a, mass Salhi Chawki : «La confrontation électorale est déloyale… Le rouleau compresseur de la propagande officielle unilatérale s’est déclenché en 2005. » Aya daɣen d lḥeq-is. D lḥeq-is ad d-yemmeslay, ad aɣ-d-yessefhem iwmi i yessawel ɣer lbuykuṭ,; akken xeddmen ikabaren yebnan ɣef tugdut, i tt-yettqadaren daɣen. Yenna-t-id ayyur kan uqbel ad beddent tesquma n tɛessast d uḥader ɣef lbuṭ (CCISEP akked CWISEP).
Meɛna yettu! Uma kečč! Ass-a, imeɣnasen n ukabar-a n PST, kkin deg tesquma n CCISEP akked CWISEP. Amek akka? Deg tama, ibuykuṭi, deg tama yekki, a lfahem ssefhem-aɣ-d! a lmumnin ḥesset-d d ta i d tugdut neɣ err akkin. Teḍra-yasen i yimeɣnasen n PSt daxel n tesquma-ya: am win iruḥen ɣer tmeɣra mi t-yesteqsa bab n tmeɣra anwa i t-id-yesɛerḍen, yerra-yas nekk d mmi-s n ɛemmi-s n win i wen-d-izenzen lgazuz i tmeɣra. Tewqem, tuɣ taɣaḍt aḥuli! Yiwen s yimeɣnasen n ukabar-a yekkin deg tesqamut n tɣiwant n Bgayet, la d-yeqqar nekcem ɣer tesquma akken ad d-nawi kra n tedrimt i ukabar-nneɣ,; s udrim-a ad nezmer ad neldi les permanences. Yelha! Ziɣen d isurdiyen ma d tikta ad yesteɛfu ujazzayri! Dɣa, mačči ala akabar n PST kan i ibuykuṭin yekki deg tesqula, ula d MDS yekki daɣen! Ɛni surement c’est un moyen qui justifie les fins!
Dj. Ikhloufi