Ddurt-agi yezrin, deg wass n tlata, yerza-d Mass Ould Ali El hadi, aselway n lḥemla n lbuṭ n Bouteflika n lwilaya n Tizi-Wezzu, akked iεeggalen-is ɣer tɣiwant n Buzgan, anda i d-yella yiwen n unejmuε deg uxxam n yidles n tɣiwant. Ould Ali yebda-d ameslay s usefhem n wahil n imreccaḥ Abdelaziz Bouteflika d tmentilt i t-id-yeggren akken ad yili ɣer tama-s. Ould Ali El Hadi yumen s wahil n Bouteflika, d win i yesdukkulen iɣalen, d win daɣen ara iεiwden lebni n tmurt seg yiẓuran. Syen Ould Ali yesḥasef aṭas ɣef tegnit i tettidir tmurt n leqbayel, xersum isegasen-agi yezrin, anda taswiεt tluɣ aṭas di yal amḍiq. Yemmeslay-d daɣen ɣef wuguren n yilmeẓyen, dɣa yenna asirem d win ara d-yuɣalen ɣer wulawen n yimdanen. Yella-d umeslay ula ɣef tmaziɣt,yenna d awezɣi ad nefk afus deg-s. Yuɣal yerra tajmilt i yimezdaɣ n Buzgan d kra n wid yuklalen. Taggara isuter deg yimezdaɣ n Buzgan akken ad mmagren tisendyaq n lbuṭ ass n 9 deg yibrir i d-iteddun s lqewwa d tebɣest.
Islam Bessaci