Iččamraren gar yidelli d wass-a

Ulac anejmuɛ di lḥemla n lbu&#7789,; ara ifaken dɣa ass-a, anda ur aɣ-d-smektan ara imeɛcaq n Bouteflika « lehna ɣer aɣ-tessaweḍ » la réconciliation nationale. Iḍelli, aṭas n yisertayen i iwalan abrid d-yewwi Lberzidan n Tegduda « d sswab ». Qqaren-ak imir: « tamekḥelt ma tsub-d seg udrar d kada u kada n terwiḥin n Izzayriyen ara imenɛen si lmut ». Ass-a, tbeddel tmuɣli n yisertayen-nni. En gros, ass-a, ttwalin la réconciliation dayen ara imeḍlen Lezzayer… Meɛna tagi tasertit: iḍelli, mellul; ass-a, berrik; azekka, wis amek. I tmekḥelt tettbeddil tayet, akken s-yeqqar Lwennas.

Sani ihi i aɣ-tessaweḍ tsertit n ssma&#7717,; d-yenfufden di 1999? Ass-a menwal deg Izzayriyen ad ak-yini: uf! Attan deffir tallit n yiseggasen n tesɛin. S tidet, ass-a, rrebrab ur yuɣ ara Tamurt s « ɛalayha neḥya wa ɛalayha namut ». Attan deffir liḥala-nni n buberak, n tmenɣiwt en quantité industrielle, liḥala-nni n wa yerwel, wa yeffer, wa yesleb…

Dayen ihi, ifuk Rebbi d la réconciliation nationale lḥif ? Sanda rran akk iččamraren-nni n ddula islamya? Xemten. Mačči d lhiba n ddula i iten-yesxemten. Yal wa deg umkan-is (deg udabu, di  »l’opposition’,’ di tmetti) ttrağun ad ten-id-tsaḥ nnuba. Ur qḍiɛen ara layas.

Sya ar ass-nni, lhand mebla wahruḥu s l’islamisme de proximité. Kecmen tuddar n leqbayel, lawan-nni ideg imagdayen ttfelsifen ɣef l’abstraction politique, ttemmyexbacen, ttemyergamen am tnuḍin. Fursen tagnit n ccumaj d wayen akk i t-id-ṭṭafaren bac ad zenzen lğennet, d le mode d’emploi qui va avec, i yilmeẓyen d telmeẓyin n… le havre de la paix.

T. O. A