«Cerif Xeddam d argaz yuklalen leqder imi nek n wi i y-icban, zemraɣ ad d-iniɣ deg-s i d-fruriɣ di tama n ccna, deg wasmi meẓẓiyeɣ ala tuɣac-is i ḥemmleɣ, ḥemmleɣ ak tuɣac n wiyiḍ yeɛni, amaɛna tuɣac-is d tid yuɣen idammen-iw kter n tiyaḍ, umbeɛd asmi meqqraɣ bdiɣ cennuɣ, d netta i y-id-yefkan afus i wakken ad iyi-iɛawen, abeɛda i wakken ad kelseɣ di rradyu n Lezzayer, anda yella d imḍebber, iɛawen-iyi kelseɣ mebla ma yella iḍrisen-inu, awalen d-qqareɣ d isefra n tuɣac-iw ɛeddan di la commission de la censure, yezzapi-ten akken ma llan, ɛeddant tuɣac-iw di rradyu mebɣir ma yella wid igezzmen awal yettunefk-asen rray. Ass amenzu i deg ɛeddaɣ ɣur-s di nnuba ifennanen n uzekka, di 14 neɣ di 15 di yebrir 1969 acu d tinna i d tadwilt taneggarut akya, di lweqt-nni n iɣennayen n uzekka, yerna Cerif Xeddam yella deffir lemri, i lmendad, nek ṭṭfaɣ-d agiṭar d Dalil Ɛumar i yi-t-id-yefkan, ixdem-as la barette, maɛna seg wakken yella Cerif Xeddam zdat-i, gezmen-iyi yak ifassen, taɣect-iw telḥa ciṭuḥ maɛna tiyita n ugiṭar ur tgerrez ara xaṭer ttergigiɣ zdat wergaz am winna. Umbeɛd d wiyiḍ i irefden nnuba-nni, Cerif Xeddam yeǧǧa-d lɛadda imi yexdem nnuba-nni, d netta i d-yefkan tagnit i fursen aṭas n yelmeẓyen almi d-frarin am Ɛetmani, Ayt Mengellat, Slimani, Mulud Ḥabib, d wiginikat i d-yufraren d imezwura di lweqt-nni, amaɛni ur ntettu ara Meɛtuq Belqasem, ur ntettu ara Ḥamid Cixi, aṭas i d-yefrurin di lweqt-nni, nekkini usiɣ-d umbeɛd di tazwara n iseggasen n sebɛin, umbeɛd fruriɣ-d s yisem n Imaziɣen Imula, dɣa imiren i d-yusa Cerif Xeddam iɛawen-iyi akken ad ttɛeddayeɣ di rradyu. Cerif Xeddam imi yesla i wasif yečča-yi, yennak tagi ilaq ad tt-nessekles s lemɣawla, ur yesɛi ara azref akken ad yi-d-yawi nnuba s yisem n Imaziɣen n Imula, yewwi-tt-id i terbaɛt Les Abranis, i d-yewwin le matériel électrique, les guitares électriques, ɣennan fuken akka leǧwayeh n 22h n yiḍ, timacinin ḥmant ciṭuḥ, ur nezmir ara ad nessekles imiren, nruja cwiṭ, umbeɛd nessekles taɣect-agi « asif yečča-yi », neqqim almi d 00H n yiḍ, nekkini d abujad di lweqt-nni, ur nessaweḍ ara ad tt-nger ɣer tbewwaṭ i wakken ad d-tettɛedday, diɣennatik d targagayt zdat n Cerif Xeddam i yi-ifkan almi d almi ur ṣṣawḍeɣ ara i wakken deg yiḍ-nni taɣect-agi ad tettwasekles. Umbeɛd yewwi-yi-d nnuba, yeẓra belli ma yella zdat-i ur zemmreɣ ara ad xedmeɣ kra, yewwi-yi-d nnuba, nruḥ nexdem-itt weḥd-naɣ, mebla ma yeḥder, akka i d-ffɣent tuɣac timenza n Imaziɣen n Imula, di rradyu : A laxart yeddren, asif yečča-yi, anfet-iyi ad cnuɣ. Yiwet n tikelt diɣennatik, di 1974 neɣ 1975, d netta i yi-d-yewwin nnuba i wakken ad kelseɣ “Iḍ d wass», d netta i yi-d-iɛawnen s lɛud-ines imi d-nɣenna Iḍ d wass, ɣer ass-aginikat mazal l’enregistrement ines di rradyu n teqbaylit, win ara tt-id-yeddmen, lɛud-nni i d-yettɛeddayen di tazwara d Cerif Xeddam i t-id-yuraren, ad d-niɣ belli asmi xedmeɣ tuɣac n ddkir di 1993, di Fransa, Cerif Xeddam yella yuḍen aṭas, nniɣ-as ad nexdem tuɣac n ddkir nek yid-k, iqbel-d s wudem n lɛali, qlil i wakken Cerif Xeddam ad iɣenni d wayeḍ, s taɣect-is yeɛni, ass-nni yusa-d nɣenna-tt ɣef yumayen, un couplet i ilaq ad t-necnu neqqim fell-as yumayen, tazmert-is ur s-tefki ara akken ad d-yebbeɛzeq am zik, xas akken yuḍen, yebɣa seg wul-is, yennak ilaq taɣect-iw ad ternu ɣer tin-ik, di tezlit-agi.»
Testeqsa-t Zira,