D tizi n twizi ammar ad γ-ternu (T) izi.

Partager

Yenna-yas Yusef Uqasi:

« Lḥif n tegmat yewεar

yezga yessewrat ddel

Ad ken-wessiγ tagmat tenfaε

Win yeεran wayeḍ ad t-idel ».

A wufan yal wa ad d-iger xerttum d tiγri s ttawil umi yezmer. Di ddiq i d-yettban lefḥel i ttfuktint tdukliwin d tegmat. Tusa-d tizi n twizi ammar a γ-ternu tizi.

Mi ssawleγ ɣer tmurt umayna, tenna-yid temγart:

– Aha tura ur ttḥebbir ara fell-a&gamma,; ur yelli d acu ad aγ-yaγen?. Sya simma ara llin iberdan, yella cwiṭ lgaz d lmazut ad nesserγ…

Nniγ-as:

– Yif-it lemmer ad tedduklem ɣer yiwen wexxam, xir ma tebruzzaεem am ibawen ɣef lluḥ, yal wa di txelwit-is. Deg wadeg ara tessiγem snat neγ tlata teqraɛtin n lgaz di tlata n wussan, ad tesserγem kan yiwet. Yerna lemmer d lebγi ula gar lğiran ma tezreε tegmat, myufan am at zik nni, ala s wayen yelhan ara d-teglu…

Yessefk tura yal wa ad yezli nnḥas ma yella deg wul-is. Yewweḍ-d lawan akken ad neğğ amgared yellan ger-ane&gamma,; a nemεanadet ɣer yiseγ d tallelt…

Atan cwiṭ usefru (uriγ-t sin wagguren aya) d tunṭict, i tegnit am ta.:

Wid iγellin ttnekkaren-d

yusa-d wedfel la iteqqes

la d-irennu gma-s γur-s

qeffren ula d isγaren

neqqel am tegnawt n Meγres

yal ass d anefḍes

εerqen iberdan nessen

anda akken i tcud, d i teqqṛes

uzan-tt ɣer yiγes

kkan fell-aγ izaylalen

tewweḍ-aγ tfidi s iγes

deg yir tagnit teḥres

s an i tt-terriḍ d asawen

win i d-yusan ad γ-yelles

ad γ-isumm adγes

εeqlen-aγ yizan nuḍen

la itettel deg yimi yiles

awal mi yuyes

d acu ara t-id-yessufγen ?

ula d tamuγli teεkes

tcudd akk tekres

nemεuqq-d izerman yeddren

am wass-a s yiseγ ad nḥelles

s nnif ad nebges

asirem iteg-d ifadden

win yeṭṭsen ad t-id-nesduqqes

azaglu ad t-nekkes

ur nettanez i yemcumen

Racid Tiɣilt

Yennayer 2012

Partager