Imezdaɣ n temdint n Tizi Wezzu, d wid yettidiren deg yir taswiɛt s sebba n yiḍumman i yellan deg yal tama, deg yiberdan neɣ zdat n tnezduɣin.
Deg temdint tamaynut, anda ggten yiḍumman, kra n yimdanen rennun ceɛlen- asen times, ayen i d-yettḍurrun mačči d kra tudert n umdan. Yessunefk ad d-nesmekti belli srabes n tezdeg d wid ur d-nedli acḥal aya ɣer tama-a n temdint, mbeɛd imi teḥbes tkebbanit n CAROM i yellan yakan tettukellef s ujmaɛ n yiḍumman. Ihi, azal n tlata wagguren aya segmi i ttrajun yimezdaɣ s ccuq, NICOLLIN, takebbanit nniḍen ara d-yelhin s ujmaɛ d usizdeg n temdin. Iwulem ahat ad d-nini dakken takebbanit-a d tin iwumi tettunefk tedrimt s wazal n 56 imelyaren n santim, ayen ara tt-yeǧǧen ad d-teslal azal n 200 imekwan n uxeddim.
D.I
Asewejed n tkebbaniyin
s ttawil n la CNAC
Takebbanit n La CNAC d tin i yessawḍen ad d-tesswejed deg useggas yezrin azal n 1330 n tkebbaniyin timeẓyanin ilmend n yilmeẓyen deg tlata n lwilayat, Tizi Wezzu, Tubiret d Bumerdas, ayen i-d yessawḍen ɣer 2398 n yimekwan n uxedim. Ɣef leḥsab n yisallen i d-newwi, Tizi Wezzu d tin i d-yeslalen 923 n tkebbaniyin s 1547 n yimekwan n uxeddim, iwakken ad d-ternu deffir-is Tubiret s 2477 n tkebbaniyin d 444 n yimekwan n uxxedim, ma d Bumerdas, nettat teslal-d 160 n tkebbaniyin d 407 n yimekwan n uxxedim. Ad nerr lwelha dakken deg usseggas-a 2012, yetturaju usbeddi n 1320 n tkebbaniyin deg Tizi Wezzu, 400 deg Bumerdas d 550 deg Tubiret, aya d ayen ara yefken afud meqren i yelmeẓyen iwakken ad kecmen deg unnar n tdamsa.
D.I