Tiregwa, Tanmiregt Takanadit i Tmaziɣt, ad suddes abaraz asfeldan akked unaẓur Aqbayli ifazen Ali Amrna i yettidiren deg tmurt n Finlande, ass n 03 Nuwembir ɣef 19h00 (walit tabidiyut-a : http://www. youtube. com/watch?v=fa27Amglk8s).
Ayen ad yefɣen d arbeḥ seg ubaraz-a d tadrimt ad iruḥen srid ilmend isenfaren n tuddsa Tiregwa, i wesnugmu n Tmaziɣt. Ilmend usali Tiregwa, Tanmiregt Takanadit i Tmaziɣt d tuddsa tafidiralit ur tla iswi akken ad teṛbeḥ tadrimt. Tettwasekles deg temnaḍt n Ontario. Iswiyen igejdanen iɣef d-tekker tuddsa-a d : Asnerni n tmaziɣt, d tutlayt neɣ d idles, s akk udmawen i yes-s ara tt-naf ama s wudem aseklan, asnalsi, ussnan, n tẓuri, atg deg temnaḍin n Canada neɣ deg tmura nniḍen, ladɣa timura n Tmazɣa, anda ttidiren Imaziɣen, imezdaɣ imezwura n Tefriqt Ugafa.
Askan akken ad issinen wiyaḍ idles amaziɣ, ad yernu aqecaḍ-is ɣer taffa n yedlisen nniḍen n yesnernan deg ccan n tmurt-a, ama s usudes n yermuden idelsanen neɣ s usudes n yisaragen deg temdinin n Canada.
I wakken ad tesɛum tikti ɣef isenfaren, akked isaragen ed tijmilin i yirgazen ed tilawin n yidles ed tusna, i tga Tiregwa rzut ɣer wesmel : www. tamazgha. ca.
Rachid. B