Aneqlub n liḥala n tegnawt d udfel i d-yeɣlin s ṭṭaqa deg ussan-a yezrin yegla-d s lemḍerra deg kra n yiḥricen yecban tafellaḥt d yiberdan deg lwilaya n tizi Wezzu. Maca, ma nezzi tamuɣli ɣer wayen inefɛen, ad naf dakken lɣella n waman d tin yessefraḥen imi azal n 220.6 mm n lehwa i d-yuragen deg 24 ntsaɛtin. Ɣef leḥsab n yisallen i a$q-d-yewḍen, abaraj n Taksebt d win iɛemren s wazal n 76%, ayen yewḍen ɣer 19 imelyaren n m3 . Lexbar- agi mebla ccek d win ara yesferḥen imezdaɣ imi ad kksen aɣbel n lixsas n waman deg unebdu i d-iteddun.
D.I