Timlilit n tikelt-a ad tili d tamxaleft ɣef tid iɛeddan yakan imi ad d-tili deg waṭas n tamiwin n Tizi Wezzu : tamdint n Tizi, Azeffun, Larbɛa At Yiraten, Tizi Raced ak d Iɛezzugen. Snat n temzizzeliyin ara d-yilin am yal tafaska : timzizzelt n At lḥirfa utwilen ( s 15 n isura), d temzizzelt n ixulaf n ssinima s tmaziɣt (s 10 n isura). Tamezwarut ad d-tili s lmendad n Ɛumar Ḥekkar i d-yessuffɣen asaru “axxam awraɣ” i s-yewwi 33 n warazen di ddunnit merra, tis snat a d-tili s lmendad n Yanis Kusim.
Aṭas n isura ara yilin aseggas-a ama d wid ara yikin di temzizzelt ama d wid ara walin kan medden i tikelt tamezwarut. Ddeqs n inebgawen meɛrufen ara d-yeččaren tawwurt n tfaska, d imusnawen, d isdawanen, d inaẓuren, d at lḥirfa. Aṭas n imukan deg-i tzemrem a twalim isura imi aseggas-a ad d-ilin ula d tzegga n ssinima taqdimt yellan di Wad Ɛisi. Tafaska n tikelt-a d asmekti n wid yefkan tazmart-nnsen, tamusni-nnsen d rruḥ-nnsen akken ad tidir ssinima s tmaziɣt, ad d-yuɣal gar-aneɣ Azdin Meddur d wid merra iruḥen d asfel ɣef “ Wedrar n Baya” s yiwet n temzikent meqqren ara yettwaxedmen beddemma.
Ajdid n useggas-a d aɣen d awal ara d-yilin ɣef tririt n isura mucaɛen di ddunnit ɣer “Tagi-nneɣ”. D awal ara d-awin imusnawen, ama d wid n tmurt ama d wid ara d-yasen si Kanada, d tirmit-nnsen d wayen ak xedmen ɣef tririt n isura ɣer tutlayin nniḍen di tmurt-nnsen. Ad d-rnun afud i warrac-nneɣ yecqqarwen at lḥirfa di ddunnit merra imi d-rran aṭas n isura mucaɛen ɣer teqbaylit.
Kulci yettwahegga akken ad tɛeddi tfaska n useggas-a akken ilaq lḥal, amer ahat ad d-yuɣal rruḥ i ssinima, ad llint tzeɣwin tiqdimin, ad d-rnunt tiyaḍ, ad d-ssuken medden tamuɣli i ddunnit s tiṭ n Tizi wezzu!
Zira