Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Buɛif: Awah! Tiɣimit ur telli lamer ad teglu s uqerruy-iw.
Amerɣud: (am win i d-yemmektan, s testutit) Ih! Iḥqa i umɣar-nni n baba-k anida i t-tneṭleḍ?
Buɛfif: Atan diɣ! : Ad t-smektiḍ diɣen agujil ɣef Imeṭṭawen
Amerɣud: Tettbiniḍ-iyi-d am win i wumi ur d- Tecliɛ ara akk, waqila!
Lemṭenṭen: (igzem-as-d awal) ih! Ula d Kečč ad Tafeḍ d wa i d amenzu ah…!
Amerɣud: Awah! Waqila ur tenɣiḍ ara. Buɛfif: Baba! Aṭas aya deg yemmut nekk akk ya ur as-d cfiɣ ara. Lemṭenṭen: Amek! Ussan-a it-id-mmugreɣ Teqqareḍ!
Buɛfif: (s wesmezreg) A winna mačči d baba, d argaz n yemma
Lemṭenṭen: Aha tura rra ak as xertem aw! Argaz n yemma-k! I urgaz n yemma-k mačči d Baba-k ah! Buɛfif: Limer i ɣur-i baba tili aql-i wissen anida dɣa. Lemṭenṭen: (s tgallin) Limer ad ibin belli ur tenɣiḍ ara ad temteḍ
Amerɣud: Atan diɣ, ruḥ ad tenɣeḍ win ineqqen s yifassen n wiyiḍ ah! d Buɛfif i ak-yennan neɣ baba-k?
Lemṭenṭen: Amek! Nekk nɣiɣ-t netta ad t-yeffer? Buɛfif: Am nekk am kečč, kra da akk d Arebbub- ina .ma yella kra d netta, mačči d nekk.
Amerɣud: (s userxes) Ur walaɣ ara amek Tessawḍem ad tenɣem Ibabaten-nwen s ifassen-nwen! ur tessetḥam ur tenneḥcamem amzun mačči n dammen-nsen
Buɛfif: Lemṭenṭen d Lemṭenṭen, mmeslay neɣ qim. (i Lemṭenṭen) ih akken ad terreḍ tixnefyac-ik ɣer d ihin terriḍ-tent-id ɣur-i, i nekk iwumi i tzemreḍ, ɣer dihin qerriḥ deddi,d asemmiḍ…
Lemṭenṭen: (s ulummu) Acimi ihi i tessusmeḍ imiren? Neɣ imiren xaṭi? : Amzun wid i d-yemmeslayen, uɣen-asen awal. Hder neɣ qqim ṛṛay yettwaddem, a ɣur-s tefra si tazwara.
Buɛfif: Anef kan anef i Lemṭenṭen ad yesṭenṭen Nekk ar tura itezzi uqerruy-iw, amek ara nettu iḍelli akken ara nessali azekka. ih ma nebγa azekka, ad nenṭel iḍelli …! D ayen ur iqebbel leɛqel! D awezɣi d targit i yettergu neɣ d tuffɣa n leɛqel i t-id-yebdan. Amerɣud: A win ur nettiki deg yiḍelli, ass-a ad iwet akk amek ara t-yesfeḍ ur t-nettwali, acku s tebrek i t-yettwali,ur yettikki ara deg-s naɣ bit yella mgal-is, ma yella yiḍelli netta ad yeɣli,dγa ad iwet akk amek ara icebbeḥ i wass-a ad iflali, ad iḍeqqer lewhi-s s azekka, akken widen ur d-necfi, ur neẓri, tugget d ilemẓiyen ad ddun yid-s , s yessen ad yali. Lemṭenṭen: ziγ akk akka!
Buɛfif: Dayen ibanen, Ur yedrig ula ɣef yiwen.Win Yesstḥan s yiḍelli-s ala win iεefsen icuḍaḍ-is. Lemṭenṭen: I tura, i netta amek alami yuli, Yuγal d Agellid
Amerɣud: Yusa-d d amattar, yuγal d imḍebber Lemṭenṭen: (yewhem) D amattar!
Buɛfif: Qqaren di tmurt-is neqqḍen isem-is,di tmura n lehzuz akka am nekkni ssudunen afus-is. Amerɣud: Twalam! Yiwen ur yemlal d wa, yiwen ur yeẓri wayeḍ, xemsa ɣef yimi
Lemṭenṭen: Amek? Amerɣud: Ad nwali (i Buɛfif) ma d kečč awi-d tiririt s yin ad nwali
Asekkir 4
Asayes 1
Axxam Buɛfif yerra srid ɣer baba-s
Amɣr: Annaɣ a mmi enɣ-iyi ad tethenniḍ
Buɛfif: Ahya a baba
Amɣar: Ad yemmet yiwen wala sin, ugadeɣ ad gluɣ yes-k
Buɛfif: Lmut d taččart Amɣar: Ala a mmi, nekk meqqar ddreɣ ussan-iw, wama kečč tura kan i d-tewwḍeḍ ɣer tizi n rrbeḥ, d tizi-k.
Faḍma: Atan diɣ! Ttu-t, ttut.ttut lhem ad aken yettu. Yerna ala aya ur d neḍerru ara akken yebɣu yili. Ih! ɛni tenɣiḍ baba-k akken ad ak-ineɣ ass-a mmi-k. Amγar: Amek i n-teğğiḍ tagnawt?
Buɛfif: A tura nuɣal d arrac s yakin ara nɣer Faḍma: D acu diɣen i d-yennulfan?
Buɛfif: Yenna-d d acu i yellan aṭas di ddunit ma d irgazen neɣ…
Faḍma: (tegzem-as-d awal) neɣ d tilawin ma d irden neɣ d timẓin neɣ? : (yewhem) Ihi ihuh, amek i teẓriḍ? Tesliḍ-as yakan?
Amɣar: Ur as-semmaγ ara Faḍma alami id Faḍma (ih) ur as-semman ara faḍma alami i d Faḍma.
Buɛfif: Ihi tefra
Amɣar: Ini-as gar yirgazen d tulawin, d tilawin i
Aṭas, ger wussan d wuḍan d ussan i aṭas, ger
Temẓin d yirden d irden i aṭas
Buɛfif: Amek almi?
Faḍma: Uḍan n tziri ttuneḥsaben d ussan, yir rrgaz
rennunt ɣer lqesma n lxalat, timẓin icebḥen
ttuneḥsabent d irden, kker kker iruḥ lḥal, maca ṭṭef imi-k ɣur-k anida i d-yessenɣal
Asekkir 5
– Asayes 1
Deg ugni
Ddurt tezzi-d aberreḥ yendeh at taddart nnejmaɛenn-d agellid ataya temwexxaren lɣaci.lewzir yuli ɣef udekkan yessendeh
Lewzir: Ah tella kra n tririt?
Tasusmi yal yiwen yettrağu aniwa ara d yezwiren, dɣa yekker-d yiwen
Yenna: A sidi gar wussan d wuḍan d uḍan, gar
yirgazen d tlawin, d irgazen, ma gar temẓin d yirden d irden.
Wayeḍ: A tura ay ass a yiḍ, ay argaz a tameṭṭut, iḍelli d iḍelli ass-a d ass-a wali s azekka
Lemṭenṭen: D tidett, tamuɣli ɣer wazekka, maca
win ur nesɛi iḍelli s anisa ara as-d-yekk uzekka
Mḥend Uccen: Anfet, azekka i uzekka mmeslayet-
d axxi ɣef wass-a
Lewzir: Hih! Ass-a aql-aken deg-s tettwalim, maca
aql-aɣ deg ubrid uzekka Agellid d agellid
ass-a maca tagelda yewwi-d ad tili d tagelda s ugellid.
Akli Outamazirt