Yennayer d yiwen gar wansayen iqburen i aɣ-d-ǧǧan lejdud-nneɣ imaziɣen. Yennayer d azamul, d ansay, d amezruy. Yettili-d deg wass wis 12 n deg ‘janvier’, ass-nni i ikeccem useggas amaziɣ amaynut. Ihi ansi i d-yekka? Amek it-ssfuggulen medden? Yennayer d ass amenzu n usseggas n yimaziɣen, yebda leḥsab-a lewhi n 950 n yiseggasen uqbel talalit n Sidna Ʃisa. Bdan yimaziɣen ssfuggelen-t, seg wasmi yerbeḥ ugellid Cacnaq agellid n yiferɛunen (Ramsess wis sin) n tmurt n Maṣer. Dɣa, seg wass-nni i yebda leḥsab n yimaziɣen, u yerna yal mi ara d- yaweḍ zellun yimdanen iyuziḍ ɣef umnar n tewwurt n uxxam i wakken ad yebɛed ccer ɣef yixxamen-nsen. S umata, sewwayent tlawin seksu d uyaziḍ bu sebεa n yisufar: lḥemmez, lubya n leqbayel, lubya tacebḥant, ibawen iquranen, irden, leεdes d tjilbant taqurant. Sewwayent diɣen aɣrum aqquran, tiɣrifin, lemsemen&hellip,; maca ur sewwayent ara cyaḍ i wakken ur yettceyyiḍ ara useggas-nsent. Llan yirmad-nniḍen i xeddmen yimdanen zik, yecban ttesḍila tamezwarut i warrac imecṭaḥ akken ad yiğhed ucebbub-nsen. Xeddmen daɣen tasewwiqt, anida aqcic ad isewweq i tikkelt tamezwarut akken ad yawi aqerruy n uzger i wakken ad yuɣal d aqerruy ɣef uxxam. Yennayer d ansay i aɣ-d-ǧǧan yimezwura-nneɣ, ilaq ad nseḥbiber fell-as akken ad neṭṭef deg wansayen-nneɣ, imi diɣen yennayer d aggur yesfilliten i rrbeḥ, lxir, lerẓaq, tazmart d talwit…atg.
Sbihi Lina