Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen. Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Wayeḍ: Agellid ass-a, tagelda azekka, i yiḍelli n
ugellid d tgelda anida yella?
Agellid am win yettwaqqsen yebreq Allen-is ɣer lewzir
Lewzir: (yessaɣ deg wallen-is) yak Nemsefham,
belli iḍelli d ayen yekfa, tura xemmet i uzekka, ih iḍelli ifut, dayen yemmut.rret-as tadimt cerreget-t
Lemṭenṭen: Acerreg ur yelli, ur yettili, ur yezmir
ara ad yili
Lewzir: Aniwa-t wagi? (S usirxes) Ah d Lemṭenṭen,
teslam d acu i d-yeqqar si lemṭenṭen?
Wayeḍ: Ih a lemṭenṭen, ih imi k-id-isaḥ wawal ini-d
akken tebɣḍ, akken tebɣiḍ ini-d a Lemṭenṭen
Lemṭenṭen: Xir-ik
Wayeḍ: Ih! Ih! Ulac win i ak-izemren
Lewzir: Waqila yella win yebɣan ad yehder
Buɛfif: Gar wussan d wuḍan, d ussan.gar yirgazen d
lxalat, d lxalat gar yirden d temẓin d irden
(I bedd ugellid)
Agellid: Aniwa i d-innan akka?
Buɛfif : D nekk
Agellid : Iya ali-d ɣer da (Buɛfif yuli)
Agellid : Aha ihi ssefhem-iyi-d
At taddart wehmen buɛfif yessuli-t ugellid γur-s yal wa kken yeqqar: Ad t-ineɣ awah ad tafeḍ yella kra ar s-d- ifek? Tekker temhawca
Lewzir: Ah! Tassusmi, tassusmi
Agellid : Akka i ak qqareɣ a… (Ur yessin ara isem-is)
Buɛif: Buɛfif
Agellid: A Buɛfif d ta i d tirirt iseḥḥan (Buɛfif yuɣal
di tama)
Lewzir: Ihi i ddurt-nniḍen ala wen yeqqar: Ugellid
Aɛzizan Ameɛzuzan. Aniwa deg-wen ara d
iyi-d-yawin tarbut n seksu d teccuyt n useqqi ɣef wacciwen n uzger? Ar ddurt i d-teddun.
Asayes 2
Agraw yefra agellid am win yuɣen tiyita yezḥel. At taddart wehmen zzin-as i buɛfif
At taddart: Amek i t-id-ufiḍ?
Buɛfif : S xedmeɣ aqerruy-iw
Wayeḍ: (s temḥeqqranit) Amek? Tesxedmeḍ
Aqerruy-ik! Awah d lekdeb
Wayeḍ: D baba-s, d baba-s.
Lemṭenṭen : D yemma-k
Wayeḍ : Twalaḍ ulac win i ak-d-ihedren ṭṭef iman-
ik ɣur-k ur k-id-luɛaɣ ara
Amerɣud: Acku tettnadim ad twalim, tettnadim ad
tfehmem
Wayeḍ : Ffer neɣ qqim am wass-a a d-ibin ka yellan
Buɛfif : Ah! D acu ara d-ibinen?
Lemṭenṭen : A lmal a lmal iheddren, akken ara
tferḥem yella Gar-aneɣ win yettxemmimen
kunwi tettqillibem-d tacrurt (lɛb) i tmellalt, ih nekk tsemmam-iyi, wagi diγen semmit-as aniwa diɣen? s kra n win ara d-yawin kra ad as-nsemmi. i kunwi acimi ur tt-id-tufimara?
Yiwen: Nekkni ur nessin ara
Amerɣud: Win ur nessin ara yesmeḥsis, yettaɣawal,
ilaq ad yefreḥ, neɣ imi ur t-id-tufim ara
kunwi ur ilaq ara win ara tt-id yafen!
Wayeḍ: Nebɣa ad nzer
Lemṭenṭen: Ur teẓrim, ur tẓerrem ur qrib ad teẓrem,
acku ur tebɣim ara ad teẓrem. Dayen teqqnem iman-nwen turzem iman-nwen, terram-d tiwwura i wallaɣen-nwen tseqfem-tt-id sanisa yebɣu yekk-d kra ɣur-wen diri-t ɣas ma yelha, acku mačči d irebbiten-nwen i t-id-yennan, ma mačči d syadi-nwen d tikerkas.(s wesmesxer) tettnadim ad teẓrem ! limer tebγam ad teẓrem ur tberrum ara i yileɣḍuḍen-nwen ad d-tawi-m ticucay deg yifassen-nwen.(s u
ɛayer)d irgazen tura kunwi, ifent-ken t-id akken ɣef d-tterram tiwwura, tebɣam azekka, twalam ma teddam deg ubrid-a i d-tewwim twalam? d acu-t uzekka i ken-yettganin? azekka, a d aẓekka.
Buɛfif : Aha tura rra ak.
Lemṭenṭen : Tessenem-iyi d lemṭenṭen.la axxam, la
baba, la yemma, teqqarem-as d alwayes d yir
amdan d tilufa agi-nwen i d-aɣ-ibernen alami iyuɣaleɣ akka, aken i d-awen-sḥefḍen irebbiten-nwen yella win i ukreɣ? Yella win ḥeqreɣ ? Yella win i wḍeɣ? I wimi giɣ kra ad iyi-d-yezzem aql-i da ger-awen, ma d ayen nniḍen yal yiwen yeẓra amek teffeḍ fella-s, Ayen ẓerreɣ yudaf fell-awen tidderγelt-nwen i d-iyi-gren ɣer ujajiḥ n tmes, d tigugemt-nwen iyi-ssawḍen ad ttgurruɛeɣ d agurreɛ awal. Limer bɣiɣ, aqli anida ara iyi-d-tessawalem ula d nekk si lemṭenṭen, ma qebleɣ neɣ ma ur yelli ula d nekk d sidi-nwen. (At taddart ffɣen yal wa anisa yekka)
Asayes 3
Buɛfif : Aziγen tcaḍeḍ ur k-nwiɣ ara akka!
Amerɣud : Ih! i tesliḍ,i teẓriḍ
Buɛfif : Ur tugaḍeḍ ara?
Lemṭenṭen : Assen i neṭleɣ baba i neṭleγ yid-s tugdi.
Asekkir 5
Asayes 1
Deg uxxam n ugellid
Agellid mazal ur yumin ara yettruḥu yettuɣal atan yeqqim atan yekker amzun tewḥel deg-s tmellalt
Asyes 2
Agellid d Lewzir (Mecḥuḍ)
Lewzir: Ah a sidi d acu i k-yuγen?
Agellid : ( yewhem) Awah! Ar tura werɛad tebriz
Lewzir : Ah a sidi tilufa, yiwet yiwet.Tamenzut
Teḍra-d tura aql-aɣ di tis snat
Agellid : Tumneḍ belli fukken yemɣaren! Amzun
Nɣan-ten akk?
Lewzir : Win d yeggran ad t-id-beggen tegnitt
Agellid : Awah! Skud yella winna i tent-id-yettafen
tagelda tettceqqiq Bu….
Lewzir : (s tugdi) Anɛam a sidi, Buɛfif
Agellid : (yerfa) Buɛfif, Buɛfif, Buɛfif. (Tasusmi
tawzlant) ẓriɣ buɛfif wi t-ilan? Anida yezdeɣ? Anita i d tameṭṭut-is? Yemm-as, baba-s jedd m baba-s…Ssali-d akk iẓuran-is tesliḍ?
Lewzir : Sliɣ-d.
Agellid: Ayya ɣiwel! Buɛfif, Buɛfif…yeffeɣ.
(Yeffeɛ)
Akli Outamazirt