Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Lweswas: I lemṭenṭen?
Mexnečč: Mačči am zik, ires maca taɣart n uqerru d ayla-s ar tura
Lweswas: Temmezgeḍ-d yid-s
Mexnečč: D acu ara k-iniɣ, aṭas aya ur nemlal
Lweswas: Uɣal ɣur-s
Mexnečč: Ah, tebɣiḍ ad iyi-ineɣ?
Lweswas: Uɣal
Asayes 4
Ikecem-d mecḥuḍ
Mecḥuḍ: Ah anida ara yuɣal?
Lweswas: Ad yuɣal s amkan-is
Mecḥuḍ: Ini-as kan ad t-yeččar, d taččart kan …d taččart kan ɣur-k ad yenfel
Lweswas: Yeẓwer, yewwi-d iman-is
Lweswas: (i Mexnečč) tzemreḍ ad truḥeḍ
Mecḥuḍ: Anida tewweḍ
Lweswaws: Iban-d yixef-is
Mecḥuḍ: ɣur-k kan yeqqermeḍ, acku di takurt aṭas n yixefawen .
Lweswas: D ixef yerna d tidet, i kečč
Mecḥuḍ: Ayen yellan s ɣur-i fessus
Lweswas: ɣer ɣur-k ak i d-tcudd
Mecḥuḍ: Waqila ar tura ur d iyi tumineḍ ara.
Lweswas: Ala! Ad tenger ddunit
Mecḥuḍ: Amek ihi?
Lweswas: Aqerru, deg-s kra ma yellan
Mecḥuḍ: D tidet, maca aqerru aqerru ma tekkseḍ-as allen d acu ara as-d gen yifassen neɣ iḍarren.
Lweswas: Ahat mačči ala nekk
Mecḥuḍ: ɣas ma llan wiyaḍ maca am nekk ala nekk i yellan.
Lweswas: Tessneḍ Bu Ferḍas ugar
Mecḥuḍ: Bu ferḍas yettandi kan ad yili, ayen nniḍen d nekkni
Lweswas: Llan wiyaḍ
Mecḥuḍ: Ur zmiren ara
Lweswas: ɣas ur zmiren ara maca!
Mecḥuḍ: Tilin-nsen ad tili maca am yiqeffafen, ad uten llir, ɣer yiman-nnsen amzun llan ɣer wiyaḍ amzun llan maca tidet neẓra-tt ẓran belli ulac-iten akken i yeẓran belli ur zmiren ara .
Lweswas: Ihi d nekk i d kra ma yellan
Mecḥuḍ: Ma neddukel
Akli Tamazirt