Sebt yezrin, yeččur umraḥ n uɣerbaz n watmaten Ziyan i d- yezgan Di Suq n Lḥed taɣiwant n Timizart, s inelmaden d imewlan-nsen akked d iselmaden-nsen. Sebba d tajmlit yuɣalen i warrac d teḥayin ifazen di leqraya imi yettuhaga-asen-d s lmendad n unemhal n uɣerbaz Mass Ifires Ferhat igerdassen akked arazzen ifazen.
Tirni, lferḥ iɛum udmawen n imawlen yellan din imi ttwalin belli ayen ɛetben ɣef tarwa –nsen ur iruḥ ara d abandu. Taxxamt anda teḍra tejmilt teḍḥad tedyaq daymi amur ameqran n imewlan qqimen deg asqif akked d iselmaden, yella-d ger -asen uskasi ɣef lakul , leqraya akked trebga.
Meɛlum ulac acu yiffen tamusni akked ttrebgaam wakken diɣ ulac acu yesferḥen nnig lferḥ n imawlen s derya –nsen.
Ait Slimane Hamid