Taɣiwant n Maɛtqa i d6yezan ɣef teɣzi n 25 ikilumitren deg unẓul amalu n Tizi Wezzu Testfayed-d s 905 imelyunen n sentim i lemend n ureqaɛ n 9 iɣerbazen yenṭṭeren deg wedfel-ni i ieɛddan . Gar iɣerbazen-a, ad naf win n tudrin n Iberquqen, Iɣendussen, Al Bir d At Ḥemed. Lecɣal ad bdun gar-aneɣ d taggara n leqraya deg iɣerbazen ara d-yilin deg kra n yimalassen. Ad nesmekti belli aḥric n ttrebgga d win i-d yesfayeddin s yiwet n tedrimt meqren yewweḍ leqidar ines ɣer 206 imelyaren n sentim ilemend n ureqaɛ n 882 iɣerbazen d lebni n 3 iɣerbazen ilemussa d 2 iɣerbazen imenza.
D.I
Friqat,
Lebni n yiwet n tesnawit n 800 imekwan
Taɣiwant n Feriqat yellan deg wunẓul n Tizi wezzu testfayd-d s lebni n yiwet n tesnawit deg umkan i wumi qqaren Ifires. Aɣerbaz-a ad yerfed azal n 800 imekwan. Asenfar–a d win ara yerren tilas i lmerta n yinelmaden i ileḥun ɣef teɣzi n ikilumitren ɣer tesnawit n Draɛ Lemizan. Ad d-nar lwelha belli aɣbel n usiweḍ n yinelmaden iceɣɣeb imḍebren n tɣiwant s sebba n lexsas n tawilat, imi ad d-awin qbel inelmaden-a seg tudrin ɣer lemqar n teɣiwant n Feriqat, s yin ad aten-awin i tikkelt tin snat ɣer tesnawit n Draɛ Lemizan. Si tama nniḍen yesunefk ad nar tamawt belli iɣerbazen ilemussa d win yenxesan deg tɣiwant-a deg llan ala sin n yiɣerbazen, CEM Base 4 d win Areẓqi Sellam, s wakka imezdaɣ n tadart Imezɣaren d wid yesuturen lebni n uɣerbaz deg taddart nesen.
D. I