Yeqqar yiwen « llan kra n leqbayel i inedmen deg tlalit nsen d leqbayel » . Akka I teḍra d unemhal n uɣerbaz amenzu n Buεidel deg tɣiwant n Yiferḥunen . Anemhal-a d win iwumi tzad lxedma , imi ur yufi d acu ara yexdem deg taggara n tudert-is. Ihi d acu ara yexdem akken ad d -yufrar akken ad heḍren fell-as ?
Anemhal n uɣerbaz-a amenzu d win i d- yekkren ad yemḥu tutlayt tamaziɣt.
Aya yeffeɣ-d ɣer berra n uɣerbaz ass n useɣlel n tselmadt n tmaziɣt I isselmaden deg uɣerbaz-a n Buεidel ; d acu kan taselmadt-a tefren ad d-tas ɣur-s tesqamut n useɣlel ɣer uɣerbaz wis sin anda txeddem , aɣerbaz At εerbi deg Yiferḥunen. Ass-n id yella wawal ɣef unemhal n uɣerbaz amenzu n Buεidel. Anemhal-a iwumi tuqeε tmaziɣt deg taɣuct , d win is-yeqqaren I tselmaden-is “d acu-tt tmaziɣt agi , ma tebɣiḍ ad d-taseḍ ass-d ma tebɣiḍ ad teqqimeḍ qim , tamaziɣt-a d tin ur nesεi azal ,d tin ur nesεi amkan deg uselmed atg…” .Aya d kra kan n wawalmen iɣ-d-yewwḍen .
D acu-tt n tmuɣli n uselway n tiddukla n yiselmaden n tmaziɣt n Tizi Wezzu ɣef lehḍur n unemhal-a : “Deg tiddukla n yiselmaden n tmaziɣt d ayen ur nqebbel ara , d acu kan ,ilaq iselmaden d tselmadin ad fehmen iman nsen ad ilin d wid d tid yesεan tabɣest ad arun ɣef yimdanen yecban anemhal agi n uɣerbaz amenzu Buεidel deg yiferḥunen , ur ilaq ara ad ssussumen imi azref nsen ad arun ad cetkin.
Tina .B