Asmi yunag ar Fransa, yemlal Abdelkrim Mechti PèreFrechet, d amrabeḍ n yirumyen i iqeddecen deg yiwet n tduklal yettɛawanen widen d tidak yenḥafen. Amecwar d-yewwi yid-s yeldi-yas tiṭ ɣef waṭas n yiɣlifen ttidiren aṭas n yiberaniyen, ttaqa deg-sen si tmura n tmazɣa, di lɣurba. Dɣa yedda d webrid-nni kan, imi yessebded deg unebdu n 2002 yiwet n tdukla i wumi qqaren “Dounia”. Dɣa tuɣal tdukla-a telha-d ɣas ini-as ḥala s yiɣublan d-ttmagaren di Fransa yeɣriben n tefriqt n ugafa, ladɣa aḥric-nni n yiɣriben i wumi qqaren “les sans papiers”. Nnig n waya, Dounia tettɛawan daɣen s yiwellihen, s ddwawi i wid yeḥlaǧen d wučči mara ter tmara.
A. I