Yella-d yiwen unamal agraɣlan( colloque international)deg uxxam n umezgun Malek Bouguermouh deg temdint n Bgayet, ussan n 16, 17 d 18 yunyu 2012, ilmend n wayen id-yeǧǧa Jean Lmuhub Ɛamruc d tussna akk d tikkin-ines deg tmunent n Lezzayer 1962.
Anamal-a yessewjed-it-id uxxam umezgun n Bgayet akk d kra n tdukliwin tidelsanin d tdukla,n Tawes d Lmuhub Iɛemrucen ussan. Aṭas n wawal id yellan ɣef umussnaw-a Jean Lmuhub, idlise-ines, amennuɣ-ines mgal tamhersa n Fransa, aya akk d ayen id meslayen s telqi yimussnawen d yinagiyen id yussan ɣef ddemma, ad d-nebder deg-sen : Pierre Amrouche, Réda Malek, Amine Zaoui, Rachid Mendjeli, Hervé Sanson, Michel Carassou et Jean Manceron d wiyaḍ.Yal yiwen ɣef wacu id-yemmeslay, Ayen i ɣef yezzi wawal d « Jean Ɛamruc, d tatut neɣ s ufella id yerna »( Jean Amrouche, l’oubli ou le deranger), asentel-nniḍen « J.Ɛamruc, amedyaz, amjahed ».
Aṭas n tɣawsiwin id yessefhem, tiyaḍ, id yesseɣti unamal-a agraɣlan, igerrez imi yekkes aɣebbar ɣef waṭas iseqqsiyen ɣef id rran yimussnawen-a n tsertit, tasekla d yidles sumata. Nnan-d akk, sumata, belli ddula n Lezzayer, ilaq fell-as ad as-terr azal meqqren w ad stɛerfen s wudem unṣib s leqwam yexdem umyaru, anaẓur d umjahed Jean El Mouhoub Amrouche i Lezzayer, dɣa, d ta kan i tajmilt is-ilaqen.
Samir At Buɛza