Asalay(musée)n Tizi-wezzu mazal yettkemmil deg wahil n tejmilin i yimeγras yeγlin γef timunent n tmurt-nne&gamma,; d asmekti, daγen, i uzgen n lqern γef teimunent n Lezzayer. Tajemilt n tikelt-agi tuγal i 5 n watmaten n twacult CHAKREUN n taddart n Tiseggwin, taγiwant n bujimaε. Atas n wid i d-yerzan γer usmekti-agi ama d imeddukal n umennu&gamma,; tawacult-is, taγamsa neγ At taddart …Seg wid id-yerzan akken ad d-smektin atmaten-agi yella : Si Σimer n Yiεekkuren , Si Smaεil n Ugemmun , Si lhaj Umuh U muh ,Si Arezqi Buhrawa…
Di tazwara yella-d umeslay s γur anemhal n usalay anda i d-yenna azal n cfawat d wakken uklalen watmaten-agi tajmilt am ta. S yin yella-d umeslay s γur wid i asen-yecfan, gar-asen Si lhaj Umuh Umuh : « sneγ Muhend saεid d Remḍan deg useggas n 1957 , maca d Muhed saεid i yesneγ mliḥ imi sεeddaγ yid-s azal n 6 neγ 7 wagguren akken. Muhend saεid yella d anifi , yesεa nniya , tabγest …Yella daγen Si Arzeqi Buhrawa yenna-d : « sneγ Muhend Saεid axater liγ d nekk i d secrétaire ines imi netta ur yeγri ara ma d Remḍan nella akken deg udrar n At Σissa Mimun deg useggas n 1956…Yella d inigi amek yettwanγqa Remdan deg umadaγ n Mizrana ihi netta yella ixeddem akked Moh Landucin yettwasnen s tirmi_ines akked tiḥerci d ayen i d-yewwi seg lvitnam. Yella Remdan d amassaγ gar Moh landucin d yimjuhad di Mizrana assen tella Fransa tebges-d fell-asen s wayen tesεa d leslaḥ aẓayan ,dγa Remdan yemmut s ddaw n tiyitiwin n temsrifgin n ucenggu. Akken i d-yenna umjahed-agi, lukan mačči d Muh Landucin tilli Mizrana ad tt-tfak fransa imi yessexdem tirmi taεessekrit i d-yewwi seg Lvitnam… » Akka atmaten Chakreun llan d wid yesεan, yeḥyaten Rebbi imi sεan tissirt n uzemmur d tazart, maca nnif d tirrugza γef tmurt ruḥen d iseflan fell-as. Llan wid ur ngi ula d axxam.
Di taggara, nessaram ad ikemmel usekfel γef umezruy n tmurt, d izen, daγen i tsutwin akken ad arunt amezruy imi tamurt ur nesεi amezruy am ṭejra ur nesεi iẓuran .
D.said lhadj.