Wid yesɛan tilifun n Itisalat n Lezzayer di Ddayra n Mchedalah i yettabaɛen lwilaya n Tubiret , ttmagaren-d aṭas n wuguren ama si lixsas n l’ internet neɣ s ugezzum n tilifun , tikkelt ad truḥ tikkelt ad d-tuɣal. Lexyuḍ rwin, acetki yegget, ladɣa di tɣiwant n Cherfa .Wid yettkelfen s lxedma n lexyuḍ-a n tilifun, rran llum-nsen ɣef wallalen i yellan d iqdimen akked lexyud i yettwarwin, la d-qqaren : « nettraju ad d-ɛiwden kra ma yella d ajdid ». Ma d wid yesɛan tilifun ttcetkin, ttnadin ad fehmen daɣen ayɣer akka gguman ad fakken fell-asen wuguren-a , mi d-usan ad asen- frun yiwet ad d-tennulfu tayeḍ .Ayen i ten-yeswehmen mi ara ssawalen ɣer wuṭṭunen fernen ,ad asen-id-ttarran wiyaḍ .Mi ruḥen ɣer yimḍebbren akken ad ccetkin titirit d yiwet ,lexyuḍ rwin ur qɛiden ara .Wid yessexdamen ama d l’MODEM aqdim ama d amaynut (wifi) ,sseqsayen amek tifakturin teddunt maca lixsas yella yella . Ssaramen ad frunt temsal-a deg lweqt iqerben, acku ɛyan deg uraju d tulin d tudrin ɣer l’P T T .
Rabia Soraya